حالىقارالىق فۋتبول فەدەراسياسى (فيفا) ارگەنتينا فۋتبول قاۋىمداستىعىنا (افا) 2026 جىلعى الەم چەمپيوناتىنىڭ قورىتىندىسى بويىنشا ءىرى ايىپپۇل سالدى، دەپ حابارلايدى infohub.kz.
فيفا-نىڭ تارتىپتىك كوميتەتى اقش، كانادا جانە مەكسيكادا وتكەن تۋرنيردە ارگەنتينا قۇراماسىنىڭ قاتىسۋىمەن بولعان وقيعالاردى قاراۋدى اياقتادى. بىرنەشە باپ بويىنشا بۇزۋشىلىقتار انىقتالدى: سپورتتىق ءىس-شارالاردى سپورتتىق ەمەس سيپاتتاعى نارازىلىقتار ءۇشىن پايدالانۋ، كوماندانىڭ دۇرىس ەمەس مىنەز-قۇلقى، كەمسىتۋشىلىك جانە ناسىلشىلدىك قورلاۋ (سونىڭ ىشىندە جانكۇيەرلەردىڭ كەمسىتۋشىلىك ۇراندارى مەن ىم-يشارالارى)، سونداي-اق ماچتاردا ءتارتىپ پەن قاۋىپسىزدىككە ءقاۋىپ ءتوندىرۋ.
بارلىعى افا-عا 321 مىڭ دوللار (اعىمداعى باعام بويىنشا 147،5 ميلليون تەڭگەدەن استام) ايىپپۇل سالىندى. بۇل سومانىڭ 100 مىڭ دوللارى كەمسىتۋشىلىككە قارسى ءىس-قيمىل جوسپارىن ىسكە اسىرۋعا جۇمسالۋى ءتيىس. سونىمەن قاتار، ارگەنتينا قۇراماسى كەلەسى ءۇي ماچىن ستاديون سىيىمدىلىعىنىڭ 50 پايىزى عانا تولتىرىلعان كورەرمەندەرمەن وتكىزەدى.
سانكسيالاردىڭ ءبىر بولىگى سىناق مەرزىمىنە بايلانىستى توقتاتىلدى. بۇل 100 مىڭ دوللار تولەۋگە جانە تاعى ءبىر ماچتى كورەرمەندەر سانى ەكى ەسە قىسقارتىلعان وتكىزۋگە قاتىستى.