ادام قۇقىعىن قورعايتىن FairSquare كوممەرسيالىق ەمەس ۇيىمى دجانني ينفانتينونى حالىقارالىق فۋتبول فەدەراسياسى (فيفا) پرەزيدەنتتىگىنە سايلاۋعا جىبەرمەۋدى تالاپ ەتتى. سەبەپ — مەرزىم شەكتەۋىنىڭ بۇزىلۋى، دەپ حابارلايدى infohub.kz سايتى.
باسىلىمدا ايتىلعانداي، ۇيىم ينفانتينونىڭ ءتورتىنشى مەرزىمگە كانديداتۋراسىن ۇسىنۋى جارعىعا قايشى كەلەدى: ەرەجە بويىنشا پرەزيدەنت قىزمەتتى ءۇش مەرزىمنەن ارتىق اتقارا المايدى. ال 2022 جىلى فيفا كوميتەتى ينفانتينونىڭ 2016-2019 جىلدارداعى (ونىڭ ءبىرىنشى مەرزىمى) جۇمىسىن ەسەپكە الماۋ تۋرالى شەشىم قابىلداعان، سەبەبى ول يوزەف بلاتتەردىڭ ۇزىلگەن مەرزىمىن اياقتاعان دەلىنگەن.
FairSquare بۇل مەرزىمدى ەسەپكە الۋ كەرەك دەپ سانايدى، ويتكەنى بۇل ماسەلەدە ەشقانداي ەرەكشەلىك بولماۋى ءتيىس.
ينفانتينو 2026 جىلعى الەم چەمپيوناتى اياقتالعاننان كەيىن جازبا جاريالاپ، ءتۋرنيردى سىناۋشىلارعا مەديتاسيا جاساپ، دۇعا ەتۋدى ۇسىندى. تۋرنيردەگى ەڭ ۇلكەن جانجال — اقش قۇراماسىنىڭ شابۋىلشىسى فولارين بالوگۋننىڭ قىزىل كارتاسىن اقش پرەزيدەنتى دونالد ترامپتىڭ ءوتىنىشى بويىنشا كەيىنگە قالدىرۋ بولدى. ينفانتينو تارتىپتىك ورگانداردىڭ شەشىمى تاۋەلسىز بولعانىن مالىمدەدى.
الەم چەمپيوناتى اياقتالعاننان كەيىن كوپ ۇزاماي ينفانتينو قۇقىقتاردىڭ ءبىر بولىگىن ءۇشىنشى تاراپ ينۆەستورلارىنا ساتۋ جوسپارىن جاريالادى. بۇل فۋتبول قاۋىمداستىعىندا تەرىس رەاكسيا تۋدىرىپ، 2030 جىلعى الەم چەمپيوناتىن بويكوتتاۋ ءقاۋپىن تۋعىزدى. بۇل تۋرالى العاش بولىپ ەۋروپالىق فۋتبول قاۋىمداستىقتارى وداعى مالىمدەدى. قاتتى سىنعا بايلانىستى فيفا بۇل يدەيادان باس تارتتى.