«ForteBank» اق مەن كورەيانىڭ ەكسپورت-يمپورت بانكى (KEXIM Bank) ىنتىماقتاستىق تۋرالى كەلىسىمگە قول قويدى. بۇل قۇجات ەكى قارجى ينستيتۋتىنىڭ ۇزاق مەرزىمدى سەرىكتەستىگىنە نەگىز قالايدى. قول قويۋ ءراسىمى سەۋلدە «وڭتۇستىك كورەيا – ورتالىق ازيا» سامميتىنە وراي ۇيىمداستىرىلعان ءىس-شارالار اياسىندا ءوتتى، دەپ حابارلايدى infohub.kz سايتى.
كەلىسىم ForteBankء-تىڭ كورەي كومپانيالارىمەن جۇمىس ىستەيتىن كليەنتتەرىنىڭ ترانسشەكارالىق كەلىسىمشارتتارىن قارجىلاندىرۋعا 70 ملن دوللارعا دەيىنگى قاراجات تارتۋدى كوزدەيدى.
«KEXIM Bank-پەن ىنتىماقتاستىق كليەنتتەرىمىزدىڭ سىرتقى ساۋدا وپەراسيالارىن قارجىلاندىرۋ مۇمكىندىكتەرىمىزدى كەڭەيتەدى. كليەنتتەرىمىز ءۇشىن بۇل ەڭ الدىمەن ءوز جوبالارىن جۇزەگە اسىرۋعا قولايلى ورتا جانە ۇزاق مەرزىمدى قارجىلاندىرۋعا قول جەتكىزۋ دەگەن ءسوز»، – دەدى ForteBank باسقارما ءتوراعاسى تالعات قۋانىشيەۆ.
ForteBank وڭتۇستىك كورەيا سەرىكتەستەرىمەن ىنتىماقتاستىقتى دامىتىپ جاتقان قازاقستاندىق كومپانيالارمەن ءقازىردىڭ وزىندە جۇمىس ىستەپ كەلەدى. باسىم كەلىسىمشارتتار قاتارىندا تەحنولوگيالىق جانە ونەركاسىپتىك جابدىقتار، تەحنيكا جانە باسقا دا تاۋارلاردى جەتكىزۋ بار. جاڭا سەرىكتەستىك قولدانىستاعى كليەنتتەردىڭ دە، كورەي بيزنەسىمەن جاڭا باعىتتاردى دامىتىپ جاتقان كومپانيالاردىڭ دا قارجىلاندىرۋ مۇمكىندىكتەرىن كەڭەيتەدى.
*قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ 14.07.2026 جىلعى №1.1.965.133 ليسەنزياسى «ForteBank» اق-عا بەرىلگەن.
**PR قۇقىعىندا.