نيدەرلاند مامانى دجون ۆان ’ت سكيپ قازاقستان قۇراماسىنىڭ باس جاتتىقتىرۋشىسى بولىپ تاعايىندالعاننان كەيىن العاشقى مالىمدەمە جاسادى، دەپ حابارلايدى infohub.kz.
دجون ۆان ’ت سكيپ جاڭا جۇمىسقا ۇلكەن ىنتامەن كىرىسەتىنىن ايتتى. «كوپ ەڭبەك ەتۋ كەرەك، ءبىراق قازاقستاندىقتار — ەڭبەكقور، بەرىك جاندار ەكەنىن بىلەمىن. ءبىزدىڭ مىندەتىمىز — وسى ەڭبەكقورلىقتى دۇرىس باعىتقا باعىتتاپ، ءبىرتۇتاس كوماندا قۇرىپ، قالاعان ناتيجەگە جەتۋ. ەڭ باستىسى — ءبارى ماقتان ەتەتىن قۇراما قۇرۋدى قالايمىز»، — دەدى ۆان ’ت سكيپ.
جاتتىقتىرۋشى جاقىن ارادا ويىنشىلار مەن قازاقستان چەمپيوناتىن تەرەڭ زەرتتەۋدى جوسپارلاپ وتىرعانىن، ويتكەنى قۇرامانىڭ رەسمي ويىندارى جاقىندا وتەتىنىن اتاپ ءوتتى. ماماننىڭ ايتۋىنشا، جاسى مەن مارتەبەسىنە قاراماستان بارلىق فۋتبولشىنىڭ ۇلتتىق قۇراماعا ءتۇسۋ مۇمكىندىگى بار. «بارلىق كانديداتتى قاداعالايمىن: جاس ويىنشىلاردى دا، ءدال ءقازىر شاقىرۋعا لايىقتاردى دا. وينايتىندار — وڭتايلى فورماداعى جانە الداعى ۇلتتار ليگاسى ماچتارىنا دايىن فۋتبولشىلار»، — دەپ اتاپ ءوتتى باس باپكەر.
ەسكە سالايىق، بۇگىن قازاقستان فۋتبول فەدەراسياسى نيدەرلاند مامانى دجون ۆان ’ت سكيپپەن ۇلتتىق قۇرامانىڭ باس جاتتىقتىرۋشىسى رەتىندە جۇمىس ىستەۋ تۋرالى كەلىسىمگە كەلدى.