امەريكالىق زەرتتەۋشىلەر شامامەن 50 جاستا ميدىڭ يممۋندىق جۇيەسىندە اۋقىمدى قايتا قۇرىلىمداۋ باستالاتىنىن انىقتادى. بۇل قارتايۋ مەن دەمەنسيانىڭ دامۋى اراسىنداعى بايلانىستى ءتۇسىندىرۋى مۇمكىن، دەپ حابارلايدى infohub.kz.
سان-ديەگوداعى كاليفورنيا ۋنيۆەرسيتەتىنىڭ، نيۋ-يورك گەنوم ورتالىعىنىڭ جانە يرۆاينداعى كاليفورنيا ۋنيۆەرسيتەتىنىڭ ماماندارى 20 بەن 95 جاس ارالىعىنداعى 40 ساۋ ادامنىڭ گيپپوكامپ ءتىنىن زەرتتەدى. گيپپوكامپ — ميدىڭ وقۋ مەن ەستە ساقتاۋعا جاۋاپتى ايماعى.
50 مەن 75 جاس ارالىعىندا ميدىڭ نەگىزگى يممۋندىق جاسۋشالارى — ميكروگليا سانى بىرتىندەپ ازاياتىنى بەلگىلى بولدى. ولاردىڭ ورنىن قابىنۋ سيگنالدارىنىڭ جوعارى دەڭگەيى بار، پەريفەريالىق قان جاسۋشالارىنا ۇقساس جاسۋشالار باسادى. بۇعان دەيىن ميكروگليا ەمبريوگەنەز كەزىندە قالىپتاسىپ، ءومىر بويى تەك وزدىگىنەن جاڭارادى دەپ ەسەپتەلىنەتىن.
زەرتتەۋ توبى گەندەردىڭ بەلسەندىلىگى مەن گەنومنىڭ ءۇش ولشەمدى قۇرىلىمىن زەرتتەدى. جۇمىس اۆتورى نەيتان زەمكەنىڭ ايتۋىنشا، ادىستەردىڭ ۇيلەسىمى يممۋندىق جاسۋشالاردىڭ شىعۋ تەگىنىڭ وزگەرۋىن اشۋعا كومەكتەستى. عالىمدار سونداي-اق گەماتوەنسەفالدىق بوگەتتىڭ جۇمىسىنداعى بۇزىلۋلاردى اتاپ ءوتتى.
اۆتورلاردىڭ ءبىرى بين رەننىڭ ايتۋىنشا، بۇل پروسەستەر قارتايۋدىڭ السگەيمەر اۋرۋىنا قالاي العىشارت جاسايتىنىن تۇسىندىرەدى. بولاشاقتا بۇل جاڭالىق مي قىزمەتىن ساقتاۋ ادىستەرىن ازىرلەۋگە كومەكتەسەدى.