زەرتتەۋشىلەر ديەتادان كەيىن سالماقتىڭ قايتا جينالۋىنا ميدىڭ ەۆوليۋسيالىق جادى سەبەپ بولاتىنىن انىقتادى. بۇل جاد دەنە سالماعىنىڭ بۇرىنعى ماكسيمۋمىن امان قالۋ ءۇشىن قاجەتتى نورما رەتىندە قابىلدايدى، دەپ حابارلايدى infohub.kz.
كوپەنگاگەن ۋنيۆەرسيتەتىنىڭ عالىمدارى ۆالدەمار بريمنەس ينگەمانن يوحانسەن مەن كريستوففەر كلەممەنسەن ادامدارعا ارىقتاعاننان كەيىن سالماقتى ۇستاپ تۇرۋ نەگە قيىن ەكەنىن ءتۇسىندىردى. ەجەلگى داۋىردە مامىر قورى ادامنىڭ اتا-بابالارىنا اشتىق كەزەڭدەرىندە امان قالۋعا كومەكتەسكەن. وسىعان بايلانىستى مي ەنەرگيانى ساقتاۋعا باعىتتالعان سەنىمدى قورعانىس مەحانيزمدەرىن قالىپتاستىرعان.
ارىقتاۋ كەزىندە ورگانيزم مايدىڭ جوعالۋىن ومىرگە ءقاۋىپ رەتىندە قابىلدايدى. بۇعان جاۋاپ رەتىندە مي اشتىق گورموندارىن قارقىندى ءبولىپ، تاماققا قۇشتارلىقتى تۋدىرادى جانە ەنەرگيا شىعىنىن باياۋلاتادى. سونىمەن قاتار، ەگەر ادام بۇرىن سالماعى كوبىرەك بولسا، مي سول دەڭگەيدى نورما دەپ ساناپ، وعان قايتا ورالۋعا تىرىسادى. سالماقتىڭ قايتا جينالۋى — بۇل ءتارتىپتىڭ جوقتىعى ەمەس، تابيعي بيولوگيالىق رەاكسيا.
تانىمال پرەپاراتتار ىشەك گورموندارىنا ەلىكتەپ، تابەتتى تومەندەتەدى، الايدا قابىلداۋدى توقتاتقاننان كەيىن بيولوگيالىق سيگنالدار ءجيى قايتا ورالادى. اۆتورلاردىڭ پىكىرىنشە، سەمىزدىكپەن كۇرەس كەشەندى ءتاسىلدى قاجەت ەتەدى — سالاۋاتتى قالالىق ورتا قۇرۋدان باستاپ، ەرتە بالالىق شاقتان پايدالى ادەتتەردى قالىپتاستىرۋعا دەيىن.