قىتايدىڭ Geely كومپانياسى ەلەكتروموبيل باتارەياسىن 10%-دان 70%-عا دەيىن نەبارى 4،5 مينۋتتا قۋاتتايتىن جۇيە ازىرلەدى. بۇل تۋرالى infohub.kz سايتى حابارلايدى.
Reuters اگەنتتىگىنىڭ مالىمەتىنشە، مۇنداي كورسەتكىشكە جەتۋ ءۇشىن قۋاتى 2،2 مۆت زاريادتاۋ ينفراقۇرىلىمى مەن ەنەرگيانى جوعارى جىلدامدىقپەن قابىلدايتىن باتارەيا پايدالانىلادى.
باتارەيانى قورشاعان ورتانىڭ قالىپتى تەمپەراتۋراسىندا 97%-عا دەيىن 8 مينۋت 40 سەكۋندتا قۋاتتاۋعا بولادى.
مۇنداي قۋات كەزىندە باستى مىندەت تەك جىلدامدىق قانا ەمەس، سونىمەن قاتار باتارەيانىڭ تەمپەراتۋراسى مەن جاي-كۇيىن باقىلاۋ بولىپ وتىر. سوندىقتان Geely جاساندى ينتەللەكتىنى بۇلتتىق جۇيەدە دە، تىكەلەي كولىكتىڭ وزىندە دە قولدانادى.
تەحنولوگيا باتارەيانىڭ جۇمىسىن مودەلدەپ، تەرەڭ وقىتۋ الگوريتمدەرىنىڭ كومەگىمەن ونىڭ جاي-كۇيىن قاداعالايدى، تەمپەراتۋرالىق رەجيمدى باسقارادى جانە ىقتيمال اقاۋلاردى بولجايدى.
بۇل جاڭا جۇيە BYD كومپانياسىنىڭ جىلدام قۋاتتاۋ سالاسىنداعى جەتىستىكتەرىنە جاۋاپ رەتىندە جاسالعان سياقتى. بۇعان دەيىن ول باتارەيانى 10%-دان 97%-عا دەيىن توعىز مينۋتتا قۋاتتاي الاتىن تەحنولوگياسىن تانىستىرعان. وسىلايشا، قىتايلىق وندىرۋشىلەر ەندى تەك ءجۇرىس قورى مەن قۋاتى ءۇشىن عانا ەمەس، ەلەكتروموبيلدەردى قۋاتتاۋ جىلدامدىعى ءۇشىن دە باسەكەلەسىپ وتىر.
بۇعان دەيىن كۋرسيۆ اۆتو Geely Galaxy TT جۇڭگو نارىعىنا 8،7 ملن تەڭگەدەن شىققانىن جازعان.