گەرمانيادا بيىل ىستىقتان 10 مىڭعا جۋىق ادام قايتىس بولدى. نەمىس روبەرت كوح اتىنداعى ينستيتۋت (RKI) ىستىققا بايلانىستى قازا تاپقاندار سانى 9800-گە جەتكەنىن، بۇل 2016 جىلدان بەرگى ەڭ جوعارى كورسەتكىش ەكەنىن حابارلادى، دەپ جازادى infohub.kz.
ساراپشىلاردىڭ پىكىرىنشە، 2026 جىلى ەڭ اۋىر كەزەڭ ماۋسىمنىڭ ەكىنشى جارتىسى بولدى، كوپتەگەن ايماقتاردا تەمپەراتۋرا +40℃-قا جەتتى. وسى كەزەڭدە 5 مىڭنان استام قازا بولعان جاعداي تىركەلدى. «ىستىقتان قازا تاپقانداردىڭ 7880ء-ى 75 جاستان اسقان ادامدار. سونىمەن قاتار، قايتىس بولعاندار اراسىندا ايەلدەر ەرلەرگە قاراعاندا كوبىرەك. الايدا مۇنى ايەلدەردىڭ ەگدە جاستاعى توپتارداعى ۇلەسىنىڭ جوعارى بولۋىمەن تۇسىندىرۋگە بولادى. RKI دەرەكتەرىنە سايكەس، الدىڭعى ماكسيمۋم 2018 جىلى تىركەلگەن، سول جىلى ىستىقتىڭ سالدارىنان شامامەن 8900 ادام قايتىس بولعان»، — دەلىنگەن ينستيتۋت ەسەبىندە.
ماماندار ىستىقتىڭ اسەرى تىكەلەي ءولىم سەبەبىنە سيرەك اينالاتىنىن اتاپ وتەدى. ادەتتە، ءولىم اۋانىڭ جوعارى تەمپەراتۋراسى مەن سوزىلمالى اۋرۋلاردىڭ ۇيلەسۋىنەن بولادى. دارىگەرلەر مەديسينا مەكەمەلەرىندە سالقىنداتۋ جۇيەلەرىن جاڭعىرتۋ قاجەتتىگىن ايتادى. قازىرگى ۋاقىتتا گەرمان كلينيكالارىندا پالاتالاردىڭ از عانا بولىگى كونديسيونەر نەمەسە باسقا سالقىنداتۋ قۇرالدارىمەن جابدىقتالعان.
بۇعان دەيىن ەۋروپاداعى ىستىق ءبىر اپتا ىشىندە 12 مىڭنان استام ادامنىڭ ولىمىنە سەبەپ بولۋى مۇمكىن ەكەنى حابارلانعان بولاتىن.