World Boxing پرەزيدەنتى ءارى قازاقستان ۇلتتىق وليمپيادالىق كوميتەتىنىڭ ءتوراعاسى گەننادي گولوۆكين ۋكراينالىق «ميروتۆورەس» سايتىنىڭ دەرەكقورىنا ەنگەنىن infohub.kz حابارلايدى.
گەننادي گولوۆكيننىڭ دەرەكتەرى بار جازبا سايتتا سەنبى، 15 تامىزدا پايدا بولدى. دەرەكقورعا ەنگىزۋ سەبەبى رەتىندە World Boxing فەدەراسياسىنىڭ رەسەيلىك سپورتشىلارعا قاتىستى شەكتەۋلەردى الىپ تاستاۋى كورسەتىلگەن — رەسەيلىك بوكسشىلار حالىقارالىق تۋرنيرلەردە ۇلتتىق رامىزدەرمەن ونەر كورسەتە الادى.
تاسس مالىمەتىنشە، جانجالدى «ميروتۆورەس» سايتى 2014 جىلى قۇرىلعان. وندا قىرىمعا، دونباسقا بارعان نەمەسە وزگە دە سەبەپتەرمەن رەسۋرس اۆتورلارىنىڭ تەرىس باعاسىن العان جۋرناليستەر، ارتىستەر مەن ساياساتكەرلەردىڭ زاڭسىز جولمەن جينالعان جەكە دەرەكتەرى ساقتالادى.
ەسكە سالايىق، 2025 جىلدىڭ قاراشاسىندا ريمدە World Boxing كونگرەسى ءوتىپ، وندا قازاقستاندىق گەننادي گولوۆكين ۇيىم پرەزيدەنتى رەتىندە رەسمي بەكىتىلگەن ەدى. ال بيىلعى شىلدەدە گەننادي گولوۆكين باسقاراتىن World Boxing رەسەيلىك بوكسشىلارعا قاتىستى شەكتەۋلەردى الىپ تاستاعانىن مالىمدەدى.