«چەلسي» باس باپكەرى حابي الونسو 2024 جىلدىڭ قاراشاسىنان بەرى العاش رەت لوندوندىق كلۋب ساپىندا ويناعان ميحايل مۋدريكتىڭ قايتا ورالۋىنا پىكىر ءبىلدىردى. ۋكراينالىق فۋتبولشى «يۋۆەنتۋسقا» قارسى جولداستىق كەزدەسۋدە الاڭعا اۋىسىمنان شىقتى، بۇل ويىن اعىلشىنداردىڭ 0:1 ەسەبىمەن جەڭىلۋىمەن اياقتالدى، دەپ حابارلايدى infohub.kz سايتى.
مۋدريك الاڭعا 82-مينۋتتا شىقتى. الونسونىڭ ايتۋىنشا، ول ويىن الدىندا 25 جاستاعى ۆينگەرگە وعان شامامەن 10-15 مينۋت ۋاقىت بەرۋدى جوسپارلاپ وتىرعانىن ەسكەرتكەن.
«ارينە، مەن ول ءۇشىن وتە قۋانىشتىمىن. كلۋبتاعىلاردىڭ ءبارى ءۇشىن ونىڭ قايتا ورالۋىن كورۋ وتە ەموسيونالدى ءسات بولدى. اسىرەسە، ويىن الدىندا وعان 10-15 مينۋت بەرۋدى جوسپارلاپ وتىرعانىمدى ايتقاندا، ول قاتتى قۋاندى»، – دەپ الونسونىڭ ءسوزىن football.london كەلتىرەدى.
يسپانيالىق مامان الاڭعا قايتا ورالۋ فۋتبولشىنىڭ ءوزى ءۇشىن دە، بۇكىل كوماندا ءۇشىن دە ماڭىزدى ءسات بولعانىن اتاپ ءوتتى.
«وسىنداي ۇزاق ۇزىلىستەن كەيىن قايتا الاڭعا شىعۋ – ول ءۇشىن تاماشا سەزىم. ءبىزدىڭ ءبارىمىز ءۇشىن دە بۇل وتە جاعىمدى بولدى»، – دەپ قوستى باپكەر.
مۋدريك سوڭعى رەت «چەلسي» ساپىندا 2024 جىلدىڭ قاراشاسىندا – «حايدەنحايمعا» قارسى كونفەرەنسيالار ليگاسىنىڭ ماچىندا ويناعان. سول جىلدىڭ جەلتوقسانىندا فۋتبولشى دوپينگ-سىناماسىنىڭ وڭ ناتيجەسىنەن كەيىن ۋاقىتشا شەتتەتىلگەن بولاتىن. كەيىنىرەك ول ءتورت جىلعا ديسكۆاليفيكاسيا الدى. الايدا وسى جىلدىڭ شىلدە ايىنىڭ سوڭىندا دوپينگكە قارسى ءىس اياقتالىپ، ۋكراينالىق ويىنشى بىردەن جارىستارعا قايتا قاتىسۋ قۇقىعىنا يە بولدى.
«يۋۆەنتۋسپەن» ماچ قارساڭىندا الونسو مۋدريكتىڭ «چەلسيدەگى» بولاشاعى تۋرالى تۇپكىلىكتى شەشىم ءالى قابىلدانباعانىن مويىندادى. باپكەردىڭ ايتۋىنشا، فۋتبولشى ۇزاق ۋاقىت جەكە جاتتىققان، سوندىقتان كلۋب ونى كومانداداعى تولىققاندى جۇمىسقا بىرتىندەپ قايتارۋدى كوزدەپ وتىر.
تۋرين كومانداسىمەن ويىندا مۋدريك شابۋىلدىڭ سول قاناتىندا ورىن الدى. ول الاڭعا شىققاننان كەيىن 65-مينۋتتا اۋىسىمنان شىققان «قايراتتىڭ» بۇرىنعى ويىنشىسى داستان ساتپايەۆ ورتاعا جىلجىدى. «يۋۆەنتۋستىڭ» جالعىز گولىن 68-مينۋتتا ەدون جەگروۆا سوقتى.
«چەلسيدىڭ» ماۋسىم الدىنداعى تۋرنە اياسىنداعى كەلەسى ماچى 8 تامىزدا دجاكارتادا «ميلانعا» قارسى وتەدى.