كەيدە ءبىر عانا يگى ءىس بىرەۋدىڭ كۇنىن، ءتىپتى ءومىرىن وزگەرتە الادى. بىرەۋلەر بالالار الاڭىن تازارتادى، بىرەۋلەر جانۋارلاردى قۇتقارادى، ال بىرەۋلەر بەيتانىس ادامدارعا كومەكتەسەدى، دەپ حابارلايدى infohub.kz.
پاۆلوداردىڭ تۇرعىنى بيبىگۇل بالالار الاڭىنداعى ويىن ءۇيىن ءوز قولىمەن جاڭارتۋدى ۇيعاردى. قىزى ۇيىقتاپ جاتقاندا، ول گۋبكا مەن تازارتقىش زاتتى الىپ، بالالار ويناعاندى جاقسى كورەتىن ويىن ءۇيىن جۋۋعا كەتتى. كوپ ۇزاماي وعان كورشىلەرى قوسىلدى. ولار بىرگە الاڭدى رەتكە كەلتىرىپ، بالالارعا تازا ءارى جايلى ويىن ورنىن سىيلادى.
اقتوبەدەگى قۇرىلىس بازارىنداعى ءورتتى ءسوندىرۋ كەزىندە ءورت ءسوندىرۋشى ءدىماش جەتپىسباي جانعان عيماراتتان كىشكەنتاي كۇشىكتى بايقاپ، ونى ءقاۋىپسىز جەرگە الىپ شىقتى. بۇل وقيعا ورتپەن كۇرەس كەزىندەگى ەڭ اسەرلى ساتتەردىڭ بىرىنە اينالىپ، قۇتقارۋشىلاردىڭ ادام با، جانۋار ما — كەز كەلگەن ءومىر ءۇشىن وزدەرىن قاتەرگە تىگەتىنىن ەسكە سالدى.
ءبىر جىگىت كوشە بويىمەن جۇگىرىپ كەلە جاتىپ، الما سالىنعان جاشىكتى جاياۋ جۇرگىنشىلەر وتكەلىنىڭ ءدال ۇستىندە ءتۇسىرىپ الدى. جەمىستەر جولعا توگىلدى، ءبىراق كەزدەيسوق ءوتىپ بارا جاتقاندار ابدىراپ قالمادى — ولار بىرنەشە سەكۋند ىشىندە بارلىق المانى جيناپ، جىگىتكە قايتاردى.
بۇل جانە باسقا دا قىزىقتى ءارى شابىتتاندىراتىن بەينەلەردى Instagram-داعى Dala.Vibe پاراقشاسىنان كورە الاسىزدار. قازاقستاننىڭ تۇكپىر-تۇكپىرىنەن شابىتتاندىراتىن وقيعالار، يگى ىستەر مەن جارقىن جوبالار تۋرالى ءبىرىنشى بولىپ ءبىلۋ ءۇشىن بىزگە جازىلىڭىزدار.