قازاقستان ىشكى ىستەر مينيسترلىگى مال يەلەرىنە باقىلاۋسىز جايىلىمنىڭ ەلەۋلى ءقاۋىپ توندىرەتىنىن ەسكەرتتى. بۇل تۋرالى infohub.kz سايتى حابارلايدى، ءتيىستى مالىمدەمە Polisia.kz رەسمي Telegram-ارناسىندا جاريالانعان.
قۇقىق قورعاۋ ورگاندارىنىڭ ايتۋىنشا، جول جيەگىنە شىققان مال جول-كولىك وقيعاسىن تۋدىرىپ، بارلىق جول قوزعالىسىنا قاتىسۋشىلار ءۇشىن ەلەۋلى ءقاۋىپ ءتوندىرۋى مۇمكىن. مۇنداي جاعدايلار اسىرەسە قاراڭعى ۋاقىتتا جانە قوزعالىس قارقىندىلىعى جوعارى تراسسالاردا وتە ءقاۋىپتى.
وسىعان بايلانىستى پوليسيا مال يەلەرىن جانۋارلاردى قاراۋسىز قالدىرماۋعا، ولاردىڭ جايىلىمنان شىعىپ، جولعا شىعۋىنا جول بەرمەۋگە شاقىرادى. ۆەدومستۆو مال يەلەرىنىڭ مالدى ءتيىستى تۇردە ۇستاۋى مەن جايىلۋىن قامتاماسىز ەتۋگە، سونداي-اق ولاردىڭ جولعا شىعۋىن بولدىرماۋ ءۇشىن بارلىق قاجەتتى شارالاردى قولدانۋعا مىندەتتى ەكەنىن ەسكە سالدى.
ءىىم جول قاۋىپسىزدىگى — ورتاق جاۋاپكەرشىلىك ەكەنىن اتاپ ءوتتى. جۇرگىزۋشىلەردىڭ مۇقياتتىلىعى مەن مال يەلەرىنىڭ جاۋاپتى كوزقاراسى جول-كولىك وقيعالارىنىڭ الدىن الۋعا كومەكتەسەدى.