قازاقستان ىشكى ىستەر مينيسترلىگى الەۋمەتتىك جەلىلەردەگى قۇقىققا قايشى كونتەنتكە قارسى كۇرەستى كۇشەيتتى. ۆەدومستۆونىڭ مالىمەتىنشە، ەلىمىزدىڭ تۇكپىر-تۇكپىرىندە تىكەلەي ەفير كەزىندە قوعامدىق ءتارتىپتى بۇزعان 20-دان استام ستريمەر اكىمشىلىك جاۋاپكەرشىلىككە تارتىلعان، دەپ حابارلايدى infohub.kz سايتى.
جۇرگىزىلگەن مونيتورينگ كورسەتكەندەي، ترانسلياسيا اۆتورلارى كونتەنتتى مونەتيزاسيالاۋعا جانە اۋديتوريانى ۇلعايتۋعا ۇمتىلىپ، زاڭنامانى جۇيەلى تۇردە ەلەمەگەن. نەگىزگى بۇزۋشىلىقتار قاتارىندا — بالاعات سوزدەر، ادەپسىز جانە اگرەسسيۆتى مىنەز-ق ۇلىقتى كورسەتۋ، ءقاۋىپتى پرانكتەر ۇيىمداستىرۋ، سونداي-اق ازاماتتاردى كوپشىلىك الدىندا قورلاۋ. ىىم-دە مۇنداي ماتەريالدار ەلەۋلى ءقاۋىپ توندىرەتىنىن، ويتكەنى كامەلەتكە تولماعاندار ولارعا كۇن سايىن ەركىن قول جەتكىزە الاتىنىن اتاپ ءوتتى.
بۇگىنگى تاڭدا سوتتار ەلىمىزدىڭ ءارتۇرلى ايماقتارىندا ناقتى بۇزۋشىلارعا قاتىستى شەشىمدەر شىعاردى. ماسەلەن، پاۆلوداردا 26 جاستاعى اسلان امانتايەۆ كولىك جۇرگىزۋ كەزىندە قاۋىپسىزدىك بەلدىگىن تاقپاي، بالاعات سوزدەر ايتىپ ترانسلياسيا جاساعانى ءۇشىن 20 تاۋلىككە قاماۋعا الىندى. شىمكەنتتە 48 جاستاعى ەربول دۋيسەنبايەۆ TikTok-تا تىكەلەي ەفيردە بالاعات سوزدەر قولدانعانى ءۇشىن ون تاۋلىككە قامالدى. تالدىقورعاندا 44 جاستاعى گۇلميرا كاسەنوۆا قوعامدىق ءتارتىپتى قايتا بۇزعانى جانە TikTok-تا بالاعات سوزدەر ايتقانى ءۇشىن ايىپپۇل تولەدى. تۇركىستاندا بايان شانكەەۆا تىكەلەي ەفيرلەردەگى اگرەسسيۆتى مىنەز-قۇلقى مەن بالاعات سوزدەرى ءۇشىن اكىمشىلىك ايىپپۇلعا تارتىلدى.
قۇقىق قورعاۋ ورگاندارى سيفرلىق كەڭىستىكتى قۇقىققا قايشى ماتەريالداردان تازارتۋ جانە مونيتورينگ بويىنشا جۇيەلى جۇمىستى جالعاستىرۋدى جوسپارلاپ وتىر. ىشكى ىستەر مينيسترلىگى زاڭناما نورمالارى مەن «زاڭ جانە ءتارتىپ» قاعيداتى ناقتى ومىردە دە، ينتەرنەت-كەڭىستىكتە دە بىردەي مىندەتتى ەكەنىن ەسكە سالدى.
بۇعان دەيىن 2024 جىلى قازنەتتە انىقتالعان قۇقىققا قايشى كونتەنت كولەمى ەكى ەسە وسكەنى حابارلانعان بولاتىن.