قازاقستانداعى جىلدىق ينفلياسيا سوڭعى ءبىر جارىم جىلداعى ەڭ تومەنگى دەڭگەيگە جەتىپ، 9،8%ء-تى قۇرادى. بۇل — 2025 جىلعى اقپاننان بەرگى ەڭ تومەنگى كورسەتكىش، سول كەزدە باعا ءوسىمى 9،4% دەڭگەيىندە تىركەلگەن ەدى. ءبىر اي ىشىندە تۇتىنۋ باعالارى 0،6%-كە، ال جىل باسىنان بەرى 6،4%-كە ءوستى، دەپ حابارلايدى infohub.kz سايتى.
ۇلتتىق ستاتيستيكا بيۋروسىنىڭ (ۇسب) دەرەكتەرىنە سايكەس، تامىز ايىندا تۇتىنۋ باعالارىنىڭ يندەكسى وتكەن جىلدىڭ سايكەس كەزەڭىمەن سالىستىرعاندا 109،8%ء-تى قۇرادى، بۇل جىلدىق ينفلياسيانىڭ 9،8% دەڭگەيىندە ەكەنىن كورسەتەدى. ينفلياسيانىڭ باياۋلاۋىنا نەگىزىنەن ماۋسىمدىق كوكونىستەر مەن جەمىستەر باعاسىنىڭ تومەندەۋى اسەر ەتتى. تامىزدا كارتوپ 12،3%-كە، ءتاتتى بۇرىش 11،9%-كە، قىرىققابات 9،7%-كە، ءجۇزىم 8،0%-كە، پياز 7،7%-كە، الما 5،1%-كە، ءسابىز 5،0%-كە، ليمون 4،7%-كە، قىزىلشا 3،6%-كە ارزاندادى. سونداي-اق المۇرت (1،8%) پەن قيار (1،5%) باعاسى دا تومەندەدى.
ازىق-ت ۇلىك ەمەس تاۋارلار اراسىندا پايدالانىلعان جەڭىل اۆتوكولىكتەر 5،3%-كە، پلانشەتتەر 5،0%-كە، مەديسينالىق ماسكالار 2،9%-كە، مەديسينالىق تەرمومەترلەر 1،9%-كە، ەلەكتر ەتتارتقىشتار مەن بالالار جورگەكتەرى 0،8%-كە ارزانداعانى بايقالدى.
جالپى ءبىر اي ىشىندە ازىق-ت ۇلىك تاۋارلارى 0،1%-كە ارزانداسا، ازىق-ت ۇلىك ەمەس تاۋارلار 0،8%-كە قىمباتتادى، ال قىزمەت كورسەتۋ باعاسى 1،2%-كە ءوستى. جىلدىق كورسەتكىشتە ازىق-ت ۇلىك ەمەس تاۋارلار 11،4%-كە، ازىق-ت ۇلىك تاۋارلارى 9،5%-كە، اقىلى قىزمەتتەر 8،9%-كە قىمباتتادى.
وتكەن جىلدىڭ تامىزىمەن سالىستىرعاندا جەكەلەگەن جەمىس-كوكونىس ونىمدەرىنىڭ باعاسى تومەندەۋىن جالعاستىردى. باكلاجان 46،8%-كە، قيار 39،9%-كە، قىزاناق 13،6%-كە، الما 10،6%-كە، سارىمساق 7،2%-كە، ماندارين 5،9%-كە، قىرىققابات 5،2%-كە، بانان 4،2%-كە، اپەلسين 2،6%-كە ارزاندادى. ازىق-ت ۇلىك ەمەس تاۋارلار اراسىندا جىل ىشىندە وتاندىق قۇراستىرىلعان جاڭا اۆتوكولىكتەر 16،9%-كە، ەلەكتربۇرعىلار مەن بۇراعىشتار 8،0%-كە، كونديسيونەرلەر 7،6%-كە، مەديسينالىق بينتتەر 3،1%-كە قىمباتتادى.
ۇلتتىق ستاتيستيكا بيۋروسىندا ينفلياسيا دەڭگەيىن سيپاتتايتىن تۇتىنۋ باعالارى يندەكسى اي سايىن ەسەپتەلەتىنىن ءتۇسىندىردى. باقىلاۋلار بارلىعى 537 پوزيسيا بويىنشا تاۋارلار مەن قىزمەتتەردىڭ باعالارى مەن تاريفتەرىنە جۇرگىزىلەدى.