استانادا يپوتەكا راسىمدەۋگە كومەكتەسەمىن دەپ الداعان 25 جاستاعى ايەل ۇستالدى، دەپ حابارلايدى infohub.kz.
ىشكى ىستەر مينيسترلىگىنىڭ ۆەدومستۆولىق سايتىنىڭ مالىمەتىنشە، استانا قالالىق پوليسيا دەپارتامەنتىنىڭ قىزمەتكەرلەرى كۇدىكتىنىڭ تۇلعاسىن انىقتاپ، ۇستاعان. الدىن الا دەرەكتەر بويىنشا، كۇدىكتى ءوزىنىڭ بۇرىنعى سىنىپتاسىنىڭ سەنىمىنە كىرىپ، ۇلكەن الاڭدى پاتەرگە يپوتەكانى تەز راسىمدەۋگە كومەكتەسەتىنىن ايتقان. جابىرلەنۋشىنى سەندىرۋ ءۇشىن ول الەۋمەتتىك جەلىلەردە حابارلاندىرۋلار جاريالاپ، قاجەتتى بايلانىستارى مەن مۇمكىندىكتەرى بار دەگەن كورىنىس جاساعان. ۋادەگە سەنگەن جابىرلەنۋشى وعان 3 ميلليون تەڭگە بەرگەن.
اقشانى العاننان كەيىن كۇدىكتى بايلانىسقا شىقپاي، ءوز مىندەتتەمەلەرىن ورىنداماعان. جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى ونىڭ ورنالاسقان جەرىن انىقتاپ، باسقا ءوڭىردىڭ اۋماعىندا ۇستاعان.
پوليسيا ازاماتتارعا ەسكەرتەدى: رەسمي كەلىسىمشارتتىق مىندەتتەمەلەرسىز بەيتانىس نەمەسە تانىس ادامدارعا اقشا اۋدارماڭىز، مەملەكەتتىك قىزمەتتەردى جەدەل الۋعا نەمەسە جىلجىمايتىن م ۇلىكتى راسىمدەۋگە قاتىستى ۋادەلەرگە سەنبەڭىز. كۇمان تۋىنداعان جاعدايدا اقپاراتتى تەك رەسمي كوزدەر ارقىلى تەكسەرىڭىز.