يران مەن ومان ورمۋز بۇعازىنداعى كەمە قاتىناسىنان تۇسەتىن تابىستى ءبولىسۋ تۋرالى كەلىسىمگە كەلدى، دەپ حابارلايدى infohub.kz سايتى.
بۇعان دەيىن تەگەران ماسكاتپەن بۇعاز ارقىلى ۋاقىتشا ءقاۋىپسىز جول ورناتۋ ءۇشىن كەلىسسوز جۇرگىزىپ جاتقانى حابارلانعان ەدى. يران يسلام رەۆوليۋسياسى ساقشىلارى كورپۋسىنىڭ (كسير) رەسمي وكىلى حوسەين موحەبي تاراپتاردىڭ تالقىلاۋ بارىسىندا قانداي ناتيجەگە كەلگەنىن ايتتى.
«وسى كەلىسسوزدەر بارىسىندا بۇعاز سۋلارىنداعى ءار تاراپتىڭ ۇلەسى، سونداي-اق يران مەن وماننىڭ تابىس ۇلەستەرى تۋرالى كەلىسىمدەرگە قول جەتكىزىلدى»، — دەپ كەلتىرەدى موحەبيدىڭ ءسوزىن كسير ءباسپاسوز قىزمەتى.
ول اقش يراننىڭ شارتتارىن قابىلدامايىنشا — بارلىق مايدانداعى ۇرىستاردى توقتاتۋ جانە تەڭىز بلوكاداسىن الىپ تاستاۋ — بۇعاز جابىق قالاتىنىن قوستى.
ەسكە سالايىق، بۇعان دەيىن ورمۋز بويىنشا مەموراندۋمنىڭ ەگجەي-تەگجەيىن يران ءسىم اشقان بولاتىن — بۇعازدان تەك ساۋدا كەمەلەرى عانا وتە الادى.
وعان دەيىن اقش قارجى ءمينيسترى سكوتت بەسسەنت ۆاشينگتون يرانعا قارسى «ەڭ ءىرى قارجىلىق شابۋىلدى» باستايتىنىن مالىمدەپ، بۇل وقيعانى «D كۇنى» دەپ اتاعان ەدى.