جاپونيادا ۇيقى ءتۋريزمى كەڭ تارالىپ كەلەدى. بۇل باعىت قوناقتاردىڭ كۇشىن قالپىنا كەلتىرۋگە جانە تۇنگى دەمالىس ساپاسىن جاقسارتۋعا باعىتتالعان. قوناقۇيلەر سانى ارتىپ، تۋريستەرگە ارنايى ساۋىقتىرۋ باعدارلامالارىن ۇسىنۋدا، دەپ حابارلايدى infohub.kz.
مىسالى، استاناداعى Hotel 1899 Tokyo قوناقۇيىندە قوناقتار قىسقا ساۋالنامادان وتەدى، سودان كەيىن ولارعا جەكە ءشوپ شايى تاڭدالىپ، جوعارى تەحنولوگيالىق جاستىقتار مەن ۆانناعا ارنالعان تۇز بەرىلەدى. تاعى ءبىر كەشەن، Hotel Chinzanso Tokyo، ۇيقى كەزىندە مي تولقىندارىن وقۋ ءۇشىن ءپورتاتيۆتى سەنسورلاردى پايدالانادى، ال شتاتتاعى مەديسينا ماماندارى تالداۋ ناتيجەلەرى بويىنشا ۇسىنىستار بەرەدى.
ەلدىڭ كۋرورتتارىندا بۇل ترەند تە سۇرانىسقا يە بولۋدا: كاناگاۆا پرەفەكتۋراسىنداعى Malibu Hotel قوناقۇيىندە ءار قوناققا ونىڭ جەكە ادەتتەرى مەن ىڭعايلى پوزاسىن ەسكەرە وتىرىپ، ءتيىستى ماتراس تاڭدالادى. ساراپشىلاردىڭ ايتۋىنشا، مۇنداي قىزمەتتەر ساياحاتشىلارعا گادجەتتەردەن الشاقتاپ، جيناقتالعان سترەسستى جەڭىلدەتۋگە كومەكتەسەدى.