«ۋەنسدەي» سەريالىنىڭ جۇلدىزى دجەننا ورتەگا ەرلەرگە ارنالعان Esquire جۋرنالىنا تۇسكەن اشىق فوتوسەسسياسىمەن جانكۇيەرلەرىن تاڭعالدىردى. سۋرەتتەر ونىڭ Instagram پاراقشاسىندا جاريالاندى، دەپ حابارلايدى infohub.kz سايتى.
23 جاستاعى امەريكالىق اكتريسا بىرنەشە كەيىپتە كورىندى، ءبىراق ەڭ جارقىنى — كەۋدەسى اشىق، بيۋستگالتەرسىز كيىلگەن ءمولدىر شىلتەر كويلەك بولدى. فوتوسۋرەتتە ورتەگا شاشى جايىلعان كۇيدە ءتۇستى. باسقا كادرلاردا جۇلدىز جوعارى جاعالى توپپەن قارا اتلاس شورتتا، سونداي-اق قارا-اق ءتۇستى كولەمدى كويلەكتە كورىندى.
پىكىرلەردە جازىلۋشىلار اكتريسانىڭ ادەمى كيىمدەرىن عانا ەمەس، وزگەرگەن دەنە ءبىتىمىن دە اتاپ ءوتتى. «تاڭعاجايىپ قىز»، «ادەمى، ادەتتەگىدەي»، «سەن جاقسىسىڭ با؟ ءبىراز تاماق جە»، «بىرەۋ وعان تاماق بەرسىن»، «ارىقتاپ كەتىپتى»، — دەپ جازدى ولار پوست استىنا. دجەننانىڭ Instagram-دا 37،7 ميلليون جازىلۋشىسى بار.
IMDB سايتىنىڭ دەرەگىنە سايكەس، دجەننا ورتەگا 2002 جىلى 27 قىركۇيەكتە كاليفورنيادا دۇنيەگە كەلگەن. ول 9 جاسىندا Disney ارناسىنداعى تەلەحيكايادا دەبيۋت جاساپ، كينوعا تۇسە باستادى. ءقازىر جاس اكتريسانىڭ ەنشىسىندە 15-تەن استام فيلم بار. ايتا كەتۋ كەرەك، ورتەگا سوڭعى جىلدارى ءجيى حوررورلارعا تۇسەدى، سول ءۇشىن ونى جاڭا بۋىننىڭ «ايقاي حانشايىمى» دەپ اتايدى. اكتريساعا Netflixء-تىڭ ايگىلى سەريالىنداعى ۋەنسدەي اددامس ءرولى ەرەكشە تانىمالدىق اكەلدى.