2026 جىلعى 24 تامىزدا استانا ۋاقىتىمەن ساعات 19:31-دە «ۇعسوي» ج ش س سەيسميكالىق ستانسيالار جەلىسى جەر سىلكىنىسىن تىركەدى، دەپ حابارلايدى infohub.kz سايتى.
توتەنشە جاعدايلار مينيسترلىگىنىڭ Telegram-ارناسىندا تاراتقان مالىمەتىنشە، جەر استى دۇمپۋلەرىنىڭ وشاعى قازاقستان اۋماعىندا — الماتىدان وڭتۇستىك-شىعىسقا قاراي 257 شاقىرىم جەردە ورنالاسقان. وشاقتىڭ كوورديناتتارى: سولتۇستىك ەندىك 49.117°، شىعىس بويلىق 84.500°.
ەسەپتىك قارقىندىلىق 2 باللدى قۇرادى. دۇمپۋلەردى شىعىس قازاقستان وبلىسىنىڭ ۇلكەن نارىن اۋىلىنىڭ تۇرعىندارى سەزىندى.
ۆەدومستۆو جەر سىلكىنىسى كەزىندەگى 10 قاراپايىم قاۋىپسىزدىك ەرەجەسىن ەسكە سالدى:
1. سابىرلىق ساقتاڭىز، دۇربەلەڭگە بوي الدىرماڭىز!
2. ءدۇمپۋ كەزىندە ليفت پەن باسپالداقتى پايدالانباڭىز.
3. جيھازدان، تەرەزەدەن، شامنان الىستاڭىز.
4. سەنىمدى بەرىك باسپانا تابىڭىز: ەگەر جوعارعى قاباتتا بولساڭىز، كۇردەلى جۇك كوتەرگىش قابىرعالاردىڭ بۇرىشىندا ورىن الىڭىز.
5. عيماراتتان شىعىڭىز (كوپقاباتتى ۇيلەردە — ءدۇمپۋ توقتاعاننان كەيىن).
6. سۋدى، گازدى، ەلەكتر قۋاتىن ءوشىرىڭىز.
7. دابىل چەمودانىن (الدىن الا دايىندالعان) الىڭىز.
8. ەلەكتر جەلىلەرىنەن، عيماراتتاردان، اعاشتاردان الىس تۇرىڭىز.
9. قايتالاناتىن دۇمپۋلەرگە دايىن بولىڭىز.
10. قارت ادامدارعا جانە مۇمكىندىگى شەكتەۋلى جاندارعا كومەك كورسەتىڭىز.