InfoHub Logo

ماۋسىم پلانەتالاردىڭ ۇلكەن شەرۋىمەن باستالادى، ويتكەنى 3 ماۋسىمدا مەركۋريي، مارس، يۋپيتەر، ساتۋرن، ۋران جانە نەپتۋن ءبىر قاتارعا تىزىلەدى. بۇل ادامداردىڭ تاعدىرىنا ۇلكەن اسەر ەتەدى.

توقتى  (21.03 – 19.04)
توقتىلار وسى ايدا بويىنان ۇلكەن كۇش-جىگەردى سەزەدى. ساتتىلىك بار، ءبىراق ءالى دە جۇمىس ىستەۋ كەرەك. ماۋسىمدا ولار ءومىرىنىڭ بارلىق دەرلىك سالالسىندا ءارتۇرلى جاڭا مۇمكىندىكتەرگە يە بولادى جانە بەرىلگەن بارلىق مۇمكىندىكتەردى ءساتتى پايدالانادى.

ۇزاق ۋاقىت شەشىلمەگەن ماسەلەلەردى باياعى ادىستەرمەن شەشۋگە تىرىسۋدى دوعارعان ءجون. ماقساتقا جەتۋدىڭ جاڭا جولىن، تۇبەگەيلى جاڭا نارسەنى ويلاپ تابۋدىڭ نەمەسە جاقىن ادامداردان كەڭەس الۋدىڭ ۋاقىتى كەلدى.

ايدىڭ ورتاسىندا ماڭىزدى ساتىپ الۋلار جانە جيناقتار كۇتەدى. سونداي-اق قارىم-قاتىناستى نىعايتۋ ءۇشىن جۇمىس ىستەۋگە تۋرا كەلەدى. ماۋسىمنىڭ ورتاسىندا ناشار ادام كەزىگۋى مۇمكىن، ءبىراق نىمەن سوزگە كەلۋدىڭ قاجەتى جوق.

تورپاق (20.04 – 20.05)

ماۋسىمنىڭ باسىندا تورپاقتار ومىرگە شىنايىراق قاراي باستايدى. ءبىراق كەي ارماندارىڭىز بەن ۇمىتتەرىڭىزدىڭ كۇل-تالقانى شىعادى. ءبىراق ۋايىمداماڭىز. ماقساتتارىڭىز بەن جوسپارلارىڭىزدى قايتا رەتتەڭىز.

ايدىڭ ورتاسىندا تورپاقتاردى ساتتىلىك كۇتىپ تۇر. ەڭ باستىسى – ومىرىڭىزدە نەنى وزگەرتكىڭىز كەلەتىنىن ءتۇسىنىپ، مويىنداۋ. 14 ماۋسىمنان كەيىن جاڭا مۇمكىندىكتەر كوپ بولادى. وسى كەزەڭدە سىزگە جاڭا بيزنەس ۇسىنىستار تۇسسە، ولاردى قابىلداپ، قىزمەت سالاسىن باتىل وزگەرتىڭىز.

ايدىڭ سوڭىندا كۇشىڭىز سىنالۋى مۇمكىن. جاعدايمەن ەمەس، وزىڭىزبەن كۇرەسۋگە تۋرا كەلەدى. ماڭىزدى تاڭداۋ جاساۋ كەرەك. ءسىز ءۇشىن قايسىسى قولايلى ەكەنىن ءوزىڭىز شەشىڭىز. دەنە بەلسەندىلىگى مەن دۇرىس تاماقتانۋعا نازار اۋدارۋدى ۇمىتپاڭىز.

ەگىزدەر (21.05 – 21.06)

ماۋسىمدا ەگىزدەر ءۇشىن كۇتپەگەن جايتتار پايدا بولادى، سوندىقتا قىزبالىققا سالىنىپ، اشۋشاڭ بولۋى مۇمكىن. جانجال تەك جاقىن ادامدارمەن ەمەس، بەيتانىس ادامدارمەن دە ورناۋى مۇمكىن. كيكىلجىڭدى ۋشىقتىرماس ءۇشىن سپورت، جەكپە-جەك ونەرى، پەينتبول نەمەسە بيمەن اينالىسقان ءجون. تەرىس ەنەرگيادان بارىنشا قۇتىلىڭىز. باسقالاردىڭ كەڭەسىنە قۇلاق اسپاڭىز، بارلىق جاۋاپتى وزىڭىزدەن ىزدەڭىز.

ايدىڭ العاشقى ون كۇنىندە ەگىزدەر وزگەرىستى قالاۋى مۇمكىن. دەگەنمەن وسى ۋاقىت ارالىعىندا جاڭا قىزمەت سالالارىنا اسىعۋعا نەمەسە جۇمىستى اۋىستىرۋعا كەڭەس بەرىلمەيدى. بۇرىنعى جۇمىسىڭىزدا ءبارى جاقسى بولادى، مانساپتىق ءوسۋ مەن قارجىلىق تۇراقتىلىققا قول جەتكىزەسىز.

ايدىڭ سوڭىندا ءساتتى رومانتيكالىق قارىم-قاتىناستار بولۋى مۇمكىن.

شايان (22.06 — 22.07)

شاياندار ءۇشىن ماۋسىم – قىزىقتى جانە ءتۇرلى وقيعالارعا تولى اي. العاشقى ون كۇن ساياحات پەن ىسكەرلىك بايلانىستار ءۇشىن ەڭ قولايلى كەز، ال ماۋسىمنىڭ سوڭىندا وتباسىڭىزعا ۋاقىت ءبولۋىڭىز كەرەك، دۇرىسى، ولارمەن بىرگە تابيعات اياسىنا شىعىپ، دەمالىڭىز.

جازدىڭ ءبىرىنشى ايى سىزگە اتاق پەن بەدەل، تانىمالدىق جانە قارجىلىق ءال-اۋقات اكەلەدى. ەڭ باستىسى – توقتاماڭىز. بەلسەندى بولۋدى جالعاستىرىڭىز جانە وزىڭىزگە تىم سەنىمدى بولماۋعا تىرىسىڭىز، مۇمكىندىگىنشە ساق بولعان ءجون.

ارىستان (23.07 — 23.08)

ماۋسىم ارىستان ءۇشىن ءپوزيتيۆتى جانە تىنىشتىق سىيلايتىن كەزەڭ بولادى. پروبلەمالىق جاعدايلار اندا-ساندا پايدا بولادى، ءبىراق وتە اۋىر ەمەس. جازدىڭ باسىندا كۇش-جىگەرىن سەزەدى. سەزىم مەن ەموسيالى نازىك بولۋى مۇمكىن. كەز كەلگەن ارمانىڭىزدى ورىنداي الاسىز، ءبىراق ءار ارمانىڭىزدى سارالاپ، سالدارىن دا ەسكەرگەن ءجون.

ايدىڭ ءبىرىنشى جارتىسىندا باسشىلىق تاراپىنان ماڭىزدى جوبا ۇسىنىلۋى مۇمكىن. بۇل جەردە ءوز مۇمكىندىكتەرىڭىزدى دۇرىس باعالاپ، مۇقيات ويلانۋ ماڭىزدى.

ماۋسىمنىڭ ەكىنشى جارتىسى قارجىلىق جاعدايىڭىزدى تۇراقتاندىرۋعا جانە نىعايتۋعا تاماشا مۇمكىندىك بەرەدى، ءبىراق نەگىزگى جۇمىسىڭىزعا مۇلدەم قاتىسى جوق نارسەلەرگە ارالاسۋدان اۋلاق بولۋعا تىرىسىڭىز.

ايدىڭ ءۇشىنشى ونكۇندىگى ايتارلىقتاي تۇراقتى بولادى.

بيكەش (24.08 — 23.09)

بيكەشتەر ءۇشىن ماۋسىم ەڭ جاقسى كەزەڭدەردىڭ ءبىرى بولادى. ءبىراق ومىرىڭىزگە اسەر ەتەتىن ماڭىزدى شەشىمدەر قابىلداۋعا تۋرا كەلەدى. مۇمكىن ءۇيدىڭ جوندەۋىنە نەمەسە ۇزاق ۋاقىت جوسپارلانعان باسقا دا شارۋاشىلىق ىستەرىنە كوپ اقشا جۇمساۋ كەرەك. سونىمەن بىرگە تۋىستارمەن داۋ تۋىنداۋى مۇمكىن، ارتىق كەتپەس ءۇشىن بايسالدى جانە ادەپتى بولىڭىز.

ايدىڭ ورتاسىندا جۇلدىزدار كاسىبي قارىم-قاتىناس شەڭبەرىن كەڭەيتۋگە كەڭەس بەرەدى. جۇمىستا بۇرىن ءمان بەرمەگەن جاڭا تاقىرىپتاردى اشۋعا تۋرا كەلەدى. ەگەر ءسىز جاعدايعا تولىق نازار اۋدارساڭىز، وتە اسەرلى پەرسپەكتيۆالار اشىلادى.

تارازى (24.09 — 23.10)

ماۋسىمدا تارازىلار قيىندىقتارعا تاپ بولۋى مۇمكىن. ءوزىمشىل ادامنىڭ كەسىرىنەن سىزگە جاۋاپكەرشىلىك ارتىلماق. بۇل جاعداي جوسپارلاردى بۇزىپ، دەنساۋلىققا زيان كەلتىرۋى مۇمكىن.

ماۋسىم ايىنىڭ باسىندا كىشىگىرىم تىلەكتەر ورىندالادى. ايدىڭ ورتاسىندا كوپتەن بەرى ويلاپ جۇرگەن يدەياعا قوسىمشا قارجىلىق سالىمدار قاجەت بولادى. ال 20 ماۋسىمنان كەيىن بارلىق كۇماندى جاعدايلاردى ءوز پايداڭىزعا بۇرا الاسىز. تەڭىزگە ساياحات قولايلى بولادى، بۇل ءسىزدىڭ فيزيكالىق نەمەسە پسيحولوگيالىق جاعدايىڭىزعا وڭ اسەر ەتەدى. ماۋسىمدا كوپ سۋ ءىشىڭىز.

سارىشايان (24.10 – 22.11)

ماۋسىمدا سارىشاياندار وزدەرىنە قويىلاتىن تالاپتاردى جوعارىلاتىپ، كۇردەلى، جەتۋ قيىن ماقساتتار قويادى. ءبىراق ماۋسىم بۇل ءۇشىن ەڭ قولايلى ۋاقىت ەمەس دەيدى. ەنەرگياڭىزدى قيال-عاجايىپ جوبالارعا ەمەس، ناقتى جانە قول جەتكىزۋگە بولاتىن نارسەلەرگە باعىتتاڭىز.

ماۋسىمنىڭ ورتاسى سارىشاياندار ءۇشىن ەڭ قيىن كەزەڭ بولۋى مۇمكىن، بايقاماي قوماقتى اقشادان ايىرىلىپ قالۋىڭىز نەمەسە جاقىن ادامىڭىزبەن جانجالداسۋىڭىز مۇمكىن.

ايدىڭ سوڭىنا قاراي جاعداي جاقسارادى، بيزنەسكە، قارجىعا جانە ساۋداعا قاتىستى بارلىق جاعىنان ساتتىلىككە يە بولاسىز. ۇلكەن ساتىپ الۋلار ءسىزدى قۋانتادى.

ءقازىر 1-2 كۇندىك دەمالىس نەمەسە ساياحات كەرەك.

مەرگەن (23.11 – 21.12)

جازدىڭ باسىندا مەرگەن دەمالىپ، ادەتتەگىدەن دە ارمانشىل بولادى. ءبىراق ءبارى وزدىگىنەن بولمايدى. ەڭ بولماعاندا باياۋ، دۇرىس باعىتتا ارەكەتتەنىڭىز،  سوندا ماقساتتارىڭىزعا جەتۋ مۇمكىندىگى ارتادى.

ماۋسىمدا كاسىبي سالادا باسشىلاردىڭ سىنى، سونىڭ ىشىندە جۇمىستان بوساتۋعا اكەلەتىن جاعدايلاردىڭ بولۋ ىقتيمالدىعى جوعارى. ىسكەرلىك سەرىكتەستەرگە، اسىرەسە ۇزاق ۋاقىت بايلانىستا بولعاندارعا ەرەكشە نازار اۋدارۋ كەرەك. 

سونداي-اق ماۋسىمدا جاقىن ادامىڭىزعا قاتتى اشىلماڭىز، ونىڭ ارتى جامان بولۋى مۇمكىن. ماۋسىمدا مەرگەنگە سۇيىكتىسىمەن جانە جاقىن ادامدارىمەن دەمالۋ ۇسىنىلادى.

تاۋەشكى (22.12 – 20.01)

تاۋەشكىنىڭ وزىنە نەمەسە جەكە قارىم-قاتىناسىنا كوڭىل بولەتىن اي بولماق. ايدىڭ ءبىرىنشى جارتىسى وتە تۇراقتى بولماسا دا، موتيۆاسيا مەن مۇمكىندىكتەر جەتكىلىكتى. ءوز سەزىمدەرىڭىزدى تىڭداڭىز. ەشقايدا اسىقپاعان ءجون. كاسىپكەر تاۋەشكىلەر شىعىنداردى ازايتۋى كەرەك. بۇل كەزەڭ قارجىمەن تەرەڭ جۇمىس ىستەۋگە جانە پەرسپەكتيۆالاردى تالداۋعا قولايلى. ەگەر جالدامالى قىزمەتكەر بولساڭىز، سىزگە تىكەلەي قاتىسى جوق ماسەلەلەرمەن ءوزىڭىزدى الاڭداتپاڭىز.

ايدىڭ ورتاسىندا تاڭداۋ الدىندا تۇراسىز. باستىسى ادىلەتسىزدىككە شىداماۋ كەرەك. ماۋسىمنىڭ سوڭى ايدىڭ ەڭ قاربالاس كەزەڭى بولادى. بولاشاق ءۇشىن جۇمىس ىستەڭىز

سۋقۇيعىش (21.01 – 19.02)

سۋقۇيعىشتار ءۇشىن ماۋسىم كاسىبي قىزمەت تۇرعىسىنان ءساتتى بولادى. ءبىراق سىزگە سەرىكتەستەرمەن جانە ارىپتەستەرمەن بايلانىس ورناتۋ قاجەت. قوسىمشا اقپاراتتى پايدالانعان كەزدە كۇتپەگەن پەرسپەكتيۆالاردى كورۋىڭىز مۇمكىن. جاڭا تانىستىق بولۋى مۇمكىن.

ماۋسىمنىڭ ورتاسىندا شەكتەن تىس جومارتتىق پەن ىسىراپشىلدىققا بارۋىڭىز مۇمكىن. ءسىز ءوزىڭىزدىڭ ىسكەرلىك قابىلەتتەرىڭىزدى اسىرا باعالاۋىڭىز مۇمكىن. كوپ ۋادە بەرمەڭىز. بارلىق ماڭىزدى تاپسىرمالاردى 12-گە دەيىن ورىنداڭىز. قالعان ۋاقىتتا وزىڭىزگە ەشقانداي ماڭىزدى ماقساتتار قويماعانىڭىز ءجون، ءسىز جاڭا جوبالاردى قولعا الماۋىڭىز كەرەك.

ايدىڭ سوڭىندا وزىڭىزگە ءبىراز ۋاقىت ءبولىڭىز، ماسساج سالونىنا بارىپ، ساياباقتا ءجۇرۋ، ۆەلوسيپەدپەن سەرۋەندەۋ نەمەسە كرۋيز كەرەك. ديەتا ۇستاڭىز.

بالىقتار (20.02 – 20.03)

ماۋسىمدا بالىقتارعا جاقىن ادامدارىنىڭ قولداۋىن سەزىنۋ باقىتى بۇيىرادى. بالىقتاردىڭ ءبارى ساتتىلىككە يە بولادى. ەڭ ۇلكەن ماقساتتى دا وسى ايدا جۇزەگە اسىرۋعا بولادى. ماۋسىمدا بۇرىننان كەلە جاتقان كوپتەگەن ماسەلەلەردەن ارىلىپ، قارىم-قاتىناستى جاقسارتا الاسىز نەمەسە جاڭا ماحاببات تاباسىز. تابىسىڭىز وسى ايدا ارتپايدى، ءبىراق قارجىلىق تۇراقتىلىققا اپاراتىن جولدى كورە الاسىز.

ماۋسىمنىڭ ورتاسىندا كوپتەن ارمانداعان لاۋازىمعا قول جەتكىزەدى. كاسىپكەر بالىقتار كاسىپورنىن كەڭەيتە الادى.