الماتىلىق «قايرات» جانكۇيەرلەرى كومانداسىنىڭ «لەۆسكيگە» قارسى قوناقتىق ماچىنا تۇركىستانعا تەگىن بارىپ، كەرى قايتا الادى. بۇل تۋرالى infohub.kz سايتى حابارلايدى.
Ticketon ءباسپاسوز قىزمەتىنىڭ مالىمەتىنشە، ساپار ءۇشىن Freedom جانە فۋتبول كلۋبى ۇسىنعان ءۇش اۆتوبۋس ۇيىمداستىرىلادى. جانكۇيەرلەرگە جولدا كورپە مەن سۋسىندار ۇسىنىلادى.
ماچ 11 تامىزدا تۇركىستاندا وتەدى. اۆتوبۋستار الماتىدان تاڭعى 04:00-دە جۇرەدى، ال كەرى قايتۋ ويىن اياقتالعاننان كەيىن بىردەن جۇزەگە اسىرىلادى.
ساپاردى ۇيىمداستىرۋشىلار — Freedom افيشا (ticketon.kz) جانە «پرودۋكتى» سەرۆيستەرى. جولدا جولاۋشىلارعا كورپە، جول جاستىقتارى، سونداي-اق سۋسىندار مەن سنەكتەر بەرىلەدى.
ترانسفەردى تەك ماچقا بيلەتى بار جانكۇيەرلەر پايدالانا الادى. ورىن برونداۋ ءۇشىن fan.support@fckairat.kz ەلەكتروندىق پوشتاسىنا «اۆتوبۋس ۆ تۋركەستان» تاقىرىبىمەن ءوتىنىم جىبەرىپ، «قايرات» فان-كلۋبىنىڭ راستاۋىن كۇتۋ قاجەت. اۆتوبۋستارداعى ورىندار شەكتەۋلى.
ەسكە سالايىق، 5 تامىزدا چەمپيوندار ليگاسىنىڭ 2026/27 ماۋسىمىنداعى ءۇشىنشى ىرىكتەۋ كەزەڭىنىڭ العاشقى ماچىندا «قايرات» «لەۆسكيدەن» مينيمالدى ەسەپپەن ۇتىلدى. بولگاريا استاناسىنداعى كەزدەسۋ 0:1 ەسەبىمەن اياقتالدى.
قاراما-قارسىلىقتىڭ تاعدىرى 11 تامىزدا شەشىلەدى. «لەۆسكي» – «قايرات» جۇبىنىڭ جەڭىمپازى چەمپيوندار ليگاسىنىڭ نەگىزگى تۋرنيرىنە جولداما ءۇشىن گرەك اەك كلۋبىمەن ب ا ق سىنايدى. ۇتىلعان كوماندا ەۋروپا ليگاسىنىڭ ىرىكتەۋىنە ءتۇسىپ، نە گرەك پاوك-پەن، نە بەلگيالىق «اندەرلەحتپەن» وينايدى.