الماتىلىق «قايرات» فۋتبول كلۋبىنىڭ ۋەفا كونفەرەنسيالار ليگاسىنىڭ جالپى كەزەڭىندەگى بارلىق ىقتيمال قارسىلاستارى بەلگىلى بولدى. ەۋروكۋبوكتىڭ ماڭىزدىلىعى بويىنشا ءۇشىنشى ءتۋرنيرىنىڭ ىرىكتەۋى اياقتالدى، ەندى 36 كوماندا قارسىلاستارىن انىقتايتىن جەرەبەگە دايىندالۋدا، دەپ حابارلايدى infohub.kz سايتى.
«قايرات» چەمپيوندار ليگاسىنىڭ ءۇشىنشى ىرىكتەۋ كەزەڭىندە ءسۇرىنىپ، كەيىن ەۋروپا ليگاسىنىڭ ىرىكتەۋ پلەي-وففىندا بەلگيالىق «اندەرلەحتتەن» ۇتىلىپ قالعان سوڭ، كونفەرەنسيالار ليگاسىنىڭ نەگىزگى كەزەڭىنە جولداما الدى. الماتىلىقتار ەۋروكۋبوكتاعى جولىن جالپى كەزەڭنەن باستايدى.
28 تامىزدا وتەتىن جەرەبە كەزىندە «قايرات» التى سەبەتتىڭ تورتىنشىسىنە تۇسەدى. ءار كوماندا ءار سەبەتتەن ءبىر قارسىلاستان الادى جانە ءۇش ويىندى ءوز الاڭىندا، ءۇش ويىندى قوناقتا وتكىزەدى.
سەبەتتەردىڭ تولىق قۇرامى تومەندەگىدەي:
ءبىرىنشى سەبەت: «اتالانتا» (يتاليا)، «اياكس» (نيدەرلاند)، «براگا» (پورتۋگاليا)، «فرايبۋرگ» (گەرمانيا)، «موناكو» (فرانسيا)، «كوپەنگاگەن» (دانيا).
ەكىنشى سەبەت: «ميدتيۋللاند» (دانيا)، «سرۆەنا زۆەزدا» (سەربيا)، «گەنت» (بەلگيا)، «پاناتينايكوس» (گرەكيا)، «پافوس» (كيپر)، «برايتون» (انگليا).
ءۇشىنشى سەبەت: «لۋگانو» (شۆەيساريا)، «حەتافە» (يسپانيا)، «كۋپس» (فينليانديا)، «تۆەنتە» (نيدەرلاند)، «لينكولن رەد يمپس» (گيبرالتار)، «بوراس» (بوسنيا جانە گەرسەگوۆينا).
ءتورتىنشى سەبەت: «سەنت-تريۋيدەن» (بەلگيا)، «برانن» (نورۆەگيا)، «حارتس» (شوتلانديا)، «قايرات» (قازاقستان)، «ترابزونسپور» (تۇركيا)، «ۋنيۆەرسيتاتيا كرايوۆا» (رۋمىنيا).
بەسىنشى سەبەت: «ريگا» (لاتۆيا)، «حايدۋك» (حورۆاتيا)، «يابلونەس» (چەحيا)، «نورشەللانن» (دانيا)، «ورحۋس» (دانيا)، «ينتەر كلۋب ەسكالدەس» (اندوررا).
التىنشى سەبەت: «تۋن» (شۆەيساريا)، سسكا (بولگاريا)، «كاۋنو جالگيريس» (ليتۆا)، «مەلبيۋ» (شۆەسيا)، «يبەريا 1999» (گرۋزيا)، «ەگناتيا» (البانيا).
كونفەرەنسيالار ليگاسىنىڭ جالپى كەزەڭى 15 قازاندا باستالادى. التى تۋر قورىتىندىسى بويىنشا ۇزدىك سەگىز كوماندا 1/8 فينالعا شىعادى، ال 9-دان 24-ورىنعا دەيىن ورنالاسقان كلۋبتار پلەي-وففتىڭ ىرىكتەۋ ماچتارىندا ونەر كورسەتەدى.