قازاقستان پرەمەر-ليگاسىنىڭ 19-تۋرىندا الماتىلىق «كايرات» ءوز الاڭىندا شىمكەنتتىك «ورداباسىنى» 2:1 ەسەبىمەن ۇتتى، دەپ حابارلايدى infohub.kz سايتى.
ءبىرىنشى گولدى 14-مينۋتتا «كايراتتىڭ» يسپانيالىق شابۋىلشىسى مارك گۋال پورتۋگاليالىق قورعاۋشى لۋيش كارلۋش ماتانىڭ پاسىنان سوقتى. 87-مينۋتتا فين فورۆاردى ويۆا يۋككولا ءۇي يەلەرىنىڭ ەسەبىن ەكى ەسەلەدى. «ورداباسى» 93-مينۋتتا نورۆەگيالىق شابۋىلشى بورن يونسەننىڭ ءدال سوققىسىمەن جاۋاپ بەردى، ءبىراق قۇتىلىپ كەتە المادى.
بۇل جەڭىس «كايراتقا» 45 ۇپاي جيناپ، ءبىرىنشى ورىنعا كوتەرىلۋگە مۇمكىندىك بەردى. «ورداباسى» (43 ۇپاي) ءبىر ويىندى كەم وتكىزسە دە، «كايرات» ونى كەستەدە باسىپ وزدى. ەكى كوماندا دا اعىمداعى ماۋسىمدا 13-تەن جەڭىسكە جەتتى.