تورونتو ۋنيۆەرسيتەتىنىڭ زەرتتەۋشىلەرى كۇنىنە ءۇش پورسيا مايى الىنباعان ءسۇت ونىمدەرىن تۇتىنۋ سالماق قوسۋعا جانە حولەستەرين دەڭگەيىنىڭ جوعارىلاۋىنا اكەلمەيتىنىن انىقتادى، دەپ حابارلايدى infohub.kz سايتى.
پروفەسسور حارۆي اندەرسوننىڭ جەتەكشىلىگىمەن وتكىزىلگەن 12 اپتالىق ەكسپەريمەنتكە ارتىق سالماعى بار 74 ەرەسەك ەرىكتى قاتىستى. The Journal of Nutrition جۋرنالىندا جاريالانعان جۇمىس ناتيجەلەرى كۇنىنە ءۇش پورسيا تولىق مايلى ءسۇت ونىمدەرىن تۇتىنۋ دەنە سالماعىنا، مامىر ءتىنىنىڭ قۇرامىنا، قانداعى حولەستەرين دەڭگەيىنە جانە ينسۋلينگە سەزىمتالدىققا تەرىس اسەر ەتپەيتىنىن كورسەتتى.
سونىمەن قاتار، ءسۇت ونىمدەرىن كوبىرەك تۇتىنعان قاتىسۋشىلاردىڭ قان قىسىمى كورسەتكىشتەرى جاقساردى، اقۋىز، كالسي جانە D دارۋمەنىنىڭ ءتۇسۋى ارتتى. اۆتورلار مۇنى «ءسۇت ماتريساسى» گيپوتەزاسىمەن بايلانىستىرادى: كازەين مەن سارىسۋ اقۋىزدارى مايلارمەن بايلانىسقان ءسۇت ونىمدەرىنىڭ كۇردەلى فيزيكالىق قۇرىلىمى قورەكتىك زاتتاردىڭ بىرتىندەپ جانە ءقاۋىپسىز ءسىڭۋىن قامتاماسىز ەتەدى.