قاراعاندى وبلىسىندا ەكى مەكتەپ بۋحگالتەرىنە قاتىستى سوت پروسەسى اياقتالدى. ولار ۇزاق ۋاقىت بويى بيۋدجەت قاراجاتىن ءوز شوتتارىنا جۇيەلى تۇردە اۋدارىپ وتىرعان. ولاردىڭ ءبىرى زاڭسىز ارەكەتىن 2010 جىلى باستاعان، دەپ حابارلايدى infohub.kz سايتى.
سوت ءباسپاسوز قىزمەتىنىڭ مالىمەتىنشە، قاراعاندىدا الدىن الا ءسوز بايلاسقان ادامدار توبىنىڭ قىزمەتتىك جاعدايىن پايدالانىپ، اسا ءىرى كولەمدە الداۋ جانە سەنىمدى تەرىس پايدالانۋ جولىمەن بوتەن م ۇلىكتى جىمقىرۋ تۋرالى قىلمىستىق ءىس قارالدى. ايىپتالۋشىلار — مەكتەپتىڭ بۋحگالتەرلەرى ت. جانە ن.
انىقتالعانداي، 2010 جىلدىڭ قاڭتارىنان 2024 جىلدىڭ ماۋسىمىنا دەيىن ت. «№33 جالپى ءبىلىم بەرەتىن مەكتەپ» كمم-نىڭ باس بۋحگالتەرى قىزمەتىن اتقارعان، ال ن. سول وقۋ ورنىندا بۋحگالتەر بولىپ جۇمىس ىستەگەن. ولار قىزمەتتىك جاعدايىن پايدالانىپ، مەكتەپ ديرەكتورلارىنىڭ ەلەكتروندىق سيفرلىق قولتاڭبالارىن زاڭسىز قولدانىپ، بيۋدجەت قاراجاتىن جىمقىرۋدى جۇيەلى تۇردە جاساعان. سوت-ەكونوميكالىق ساراپتاما قورىتىندىسى بويىنشا، ت. 2010 جىلدىڭ قاڭتار-جەلتوقسان ارالىعىندا ۇستەمەاقى، جاردەماقى جانە باسقا دا تولەمدەر دەگەن جەلەۋمەن ءوز كارت-شوتتارىنا نەگىزسىز اقشا اۋدارۋ ارقىلى 10 658 920 تەڭگەنى، ال 2012 جىلدىڭ ناۋرىزىنان 2024 جىلدىڭ ماۋسىمىنا دەيىن 192 576 422 تەڭگەنى جىمقىرعان. ن. وسى كەزەڭدە 113 087 767 تەڭگەنى يەمدەنگەن.
سوت ت. مەن ن.-نى كىنالى دەپ تانىپ، باس بوستاندىعىنان ايىرۋ جازاسىن تاعايىندادى: ت.-عا — 6 جىل، ن.-عا — 7 جىل. سونىمەن قاتار، سوتتالعاندارعا مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىندە بۋحگالتەر قىزمەتىن اتقارۋعا 5 جىل مەرزىمگە تىيىم سالىندى. ازاماتتىق تالاپ اياسىندا ولاردان كەلتىرىلگەن زالال سوماسى ءوندىرىلىپ، شەشىمدى ەرىكتى تۇردە ورىنداۋعا التى اي مەرزىم بەلگىلەندى. سونداي-اق سوتتالعان ت.-نىڭ جىلجىمايتىن مۇلكىنە سالىنعان تىيىم ساقتالدى.
سوت القاسى ءبىرىنشى ساتىداعى سوتتىڭ ۇكىمىن وزگەرىسسىز قالدىردى.