قاراعاندى وبلىسىندا CVK قارجى پيراميداسىنىڭ قۇرىلىمدىق بولىمشەسىن ۇيىمداستىرۋشىعا ۇكىم شىعارىلدى. ول مۇلكى تاركىلەنىپ، ەكى جىلعا باس بوستاندىعىنان شەكتەۋ جازاسىنا كەسىلدى، دەپ حابارلايدى infohub.kz سايتى.
قارجى مونيتورينگى اگەنتتىگىنىڭ (قما) رەسمي Telegram-ارناسىنىڭ مالىمەتىنشە، جوباعا قاتىسۋشىلارعا 120-دان 49 مىڭ اقش دوللارىنا دەيىنگى قۇنى بار ۆيرتۋالدى دۇكەندەردى ساتىپ الۋ ءۇشىن USDT كريپتوۆاليۋتاسىمەن اقشا سالۋ ۇسىنىلعان. ونىڭ ورنىنا ولارعا كۇندەلىكتى تابىس جانە جاڭا سالىمشىلاردى تارتقانى ءۇشىن قوسىمشا بونۋستار ۋادە ەتىلگەن.
«بۇل رەتتە ۆيرتۋالدى دۇكەندەردە ورنالاستىرىلعان تاۋارلار شىن مانىندە بولماعان، ال تابىس الۋ جاڭا قاتىسۋشىلاردى تارتۋعا جانە ولاردىڭ اقشا سالۋىنا بايلانىستى بولدى. سالىمشىلاردىڭ قاراجاتى USDT كريپتوۆاليۋتاسىمەن OKX پلاتفورماسى ارقىلى ەلەكتروندىق ءامياندارعا اۋدارىلدى»، — دەدى ۆەدومستۆودا.
قما دەرەگىنشە، جەدەل شارالار ارقىلى 474 مىڭ USDT سوماسىنداعى كريپتواكتيۆتەردىڭ قاتىرىلۋى قامتاماسىز ەتىلگەن، بۇل 212 ملن تەڭگەگە بالامالى. سوت ۇكىمىمەن اتالعان سيفرلىق اكتيۆتەر مەملەكەت كىرىسىنە تاركىلەندى. ۇكىم زاڭدى كۇشىنە ەندى.
ەسكە سالايىق، بۇعان دەيىن قما CVK بولجامدى قارجى پيراميداسىنىڭ قىزمەتىن توقتاتقانىن جانە قازاقستاننىڭ 14 وڭىرىندە جۇرگىزىلىپ جاتقان تەرگەۋلەر تۋرالى مالىمدەگەن بولاتىن.