Kaspi Bank اكسيونەرلەرى 25 قىركۇيەكتە وتكەن كەزەكتەن تىس جالپى جينالىستا 2025 جىل ءۇشىن جاي جانە ارتىقشىلىقتى اكسيالارعا 4000 تەڭگەدەن ديۆيدەند تولەۋدى بەكىتتى. تولەمدەر وسى كۇننەن باستاپ جۇرگىزىلەدى، دەپ حابارلايدى infohub.kz سايتى.
شەشىم تۋرالى اقپارات قازاقستان قور بيرجاسىنىڭ (KASE) سايتىندا جاريالاندى.
بانكتىڭ 2025 جىلعى قارجىلىق ەسەپتىلىگىنە سايكەس، اكسيالاردىڭ 94،4%-ى Kaspi Group-قا، تاعى 4،55%-ى Kaspi.kz-كە تيەسىلى. قالعان 1،05%-ى وزگە تۇلعالار اراسىندا بولىنگەن.
جىل سوڭىنداعى بانكتىڭ تۇپكىلىكتى بەنەفيسيارلارى: Baring Vostok قورلارى — 22،98%، ميحايل لومتادزە — 22،34%، ۆياچەسلاۆ كيم — 20،52%، جاريا ينۆەستورلار — 30،3%، مەنەدجمەنت — 3،83%.
ديۆيدەند الۋعا قۇقىعى بار اكسيونەرلەردىڭ ءتىزىمى 24 قىركۇيەكتە جاسالدى.
2025 جىلدىڭ سوڭىندا اينالىمدا 18 345 540 جاي جانە 372 484 ارتىقشىلىقتى اكسيا بولدى. وسىلايشا، تولەم كولەمى 74،8 ملرد تەڭگەنى قۇرايدى.
2026 جىلدىڭ ماۋسىم ايىنىڭ سوڭىندا Kaspi Bank اكسيونەرلەرىنە وتكەن جىلدىڭ قورىتىندىسى بويىنشا اكسياسىنا 1600 تەڭگەدەن ديۆيدەند تولەگەن بولاتىن. وندا ديۆيدەند تولەمدەرىنىڭ كولەمى 29،95 ملرد تەڭگە ەدى.
Kaspi Bankء-تىڭ 2025 جىلعى تازا پايداسى 571،5 ملرد تەڭگە دەڭگەيىندە قالىپتاستى.