جىل باسىنان بەرى پوليسەيلەر ماڭعىستاۋ وبلىسىنىڭ قالالارى، اۋىلدارى مەن تۋريستىك باعىتتارى بويىنشا 930 رەيد وتكىزدى. ناتيجەسىندە 7،4 مىڭنان استام بۇزۋشى جاۋاپكەرشىلىككە تارتىلدى، دەپ حابارلايدى infohub.kz سايتى.
بۇزۋشىلىقتاردىڭ نەگىزگى بولىگى (7 352 فاكت) قالالار مەن ەلدى مەكەندەر اۋماقتارىن اباتتاندىرۋ ەرەجەلەرىن ساقتاماۋمەن بايلانىستى. تاعى 135 بۇزۋشىلىق ورتاق پايدالانۋ ورىندارىن لاستاۋعا قاتىستى. سونداي-اق ەكى رۇقسات ەتىلمەگەن قوقىس ءۇيىندىسى انىقتالدى.
«ءتيىستى اقپارات ولاردى جويۋ بويىنشا شارالار قابىلداۋ ءۇشىن ۋاكىلەتتى جانە جەرگىلىكتى اتقارۋشى ورگاندارعا جىبەرىلدى»، — دەپ اتاپ ءوتتى قۇقىق قورعاۋ ورگاندارىنىڭ وكىلدەرى.
تابيعات قورعاۋ سالاسىندا دا، ونىڭ ىشىندە كاسپي تەڭىزى جاعالاۋىندا دا بۇزۋشىلىقتار انىقتالدى. 2026 جىلدىڭ جەتى ايىندا 534 دەمالىسۋشىعا ايىپپۇل سالىندى. زاڭسىز اڭ اۋلاۋ، بالىق اۋلاۋ ەرەجەلەرىن بۇزۋ، سونداي-اق سيرەك كەزدەسەتىن جانە جويىلىپ بارا جاتقان جانۋارلار تۇرلەرىمەن زاڭسىز اينالىسۋ فاكتىلەرى انىقتالدى.
«وسى اۋماقتاردا رەيدتىك ءىس-شارالار جالعاسۋدا»، — دەپ ەسكەرتتى وبلىستىق پوليسيا دەپارتامەنتىندە.
پوليسەيلەر ايماق تۇرعىندارى مەن قوناقتارىن اباتتاندىرۋ ەرەجەلەرىن ساقتاۋعا، دەمالىس ورىندارىندا قوقىس قالدىرماۋعا جانە تابيعاتقا ۇقىپتى قاراۋعا شاقىردى.
بۇعان دەيىن «كۋرسيۆ» بۇۇ-نىڭ كاسپي بويىنشا الداعى 50 جىلعا ارنالعان قورقىنىشتى بولجامى تۋرالى جازعان بولاتىن.