قازاقستاننىڭ قارجى مونيتورينگى اگەنتتىگى وزبەكستان ازاماتى ماحمۋد حيكماتوۆتى (ماحا.dxb بۇركەنشىك اتىمەن تانىمال) حالىقارالىق ىزدەۋ جاريالادى، دەپ حابارلايدى infohub.kz سايتى.
اگەنتتىكتىڭ ءباسپاسوز قىزمەتىنىڭ مالىمەتىنشە، ىزدەۋ جاريالانعان بلوگەر ماحا.dxb — حيكماتوۆ ماحمۋد ۋميدوۆيچ، 2000 جىلى تۋعان، وزبەكستان رەسپۋبليكاسىنىڭ ازاماتى.
سوت وعان قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكسيالادى. ول زاڭسىز ينتەرنەت-كازينونى جىلجىتۋعا كۇدىكتى. قازاقستان رەسپۋبليكاسىنىڭ اۋماعىندا ينتەرنەت-كازينونىڭ زاڭسىز ينتەرفەيسىن ۇسىنۋ، اقشا قاراجاتىن قابىلداۋ جانە تولەۋ (ەكۆايرينگ، ءموبيلدى كوممەرسيا، كريپتوۆاليۋتا)، سونداي-اق ەل ازاماتتارىنىڭ اراسىنان كوبىرەك ويىنشىلاردى تارتۋ ماقساتىندا جارناما جاساۋ بويىنشا تۇراقتى سحەما جۇمىس ىستەگەن.
ءقما-نىڭ مالىمدەۋىنشە، ينتەرنەت-كازينونى جىلجىتۋ ءۇشىن ۇيىمداستىرۋشىلار بلوگەر حيكماتوۆتى تارتقان، وعان قازاقستان اۋماعىندا قىزمەت ەتەتىن ينفليۋەنسەرلەردى جارنامالىق كونتەنت ورنالاستىرۋعا تارتۋ ءرولى جۇكتەلگەن. وسى قىزمەت اياسىندا حيكماتوۆ بلوگەرلەردەن ولاردىڭ الەۋمەتتىك جەلىلەرىنىڭ ستاتيستيكالىق دەرەكتەرىن، ونىڭ ىشىندە دەموگرافيانى، جازىلۋشىلار گەوگرافياسىن، سونداي-اق اۋديتوريا قامتۋ كورسەتكىشتەرىن سۇراعان، وسىنىڭ نەگىزىندە جارناما قىزمەتتەرىنىڭ قۇنى انىقتالعان. بارلىعى ول 35-تەن استام بلوگەردى، ونىڭ ىشىندە قامزا ق. بلوگەرىن تارتقان.
كەڭ اۋديتورياعا يە بولا وتىرىپ، قامزا ق. ينتەرنەت-كازينوعا رەفەرالدىق سىلتەمەلەر ورنالاستىرىپ، ءاربىر پايدالانۋشىنىڭ ءوتۋى ءۇشىن سىياقى الىپ، قازاقستان رەسپۋبليكاسىنىڭ ازاماتتارىن تىيىم سالىنعان قۇمار ويىن ارەكەتىنە قاساقانا تارتقان.
6 تامىزدا قامزا ق. ۆەتنام سوسياليستىك رەسپۋبليكاسىنان ەكستراديسيالاندى. ەگەر سىزگە ىزدەۋدەگى ادامنىڭ ورنالاسقان جەرى تۋرالى قانداي دا ءبىر اقپارات بەلگىلى بولسا، قارجى مونيتورينگى اگەنتتىگىنە مىنا تەلەفوندار بويىنشا حابارلاۋدى سۇرايمىز: +7 7172 70 84 78 — كەزەكشى ءبولىم. سىياقى جانە انونيمدىلىك كەپىلدەندىرىلەدى.
بۇعان دەيىن قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا بلوگەر قايسار قامزاعا ارنالعان باعدارلاما جاريالانعان. باستاماشىسى — قارجى مونيتورينگى اگەنتتىگى، ىزدەۋدى ءقما-نىڭ استانا قالاسى بويىنشا ەكونوميكالىق تەرگەۋ دەپارتامەنتى جۇرگىزۋدە. كەيىن قايسار قامزا قارجى مونيتورينگى اگەنتتىگىنىڭ ونى ىزدەۋ جاريالاعانى تۋرالى اقپاراتقا تۇسىنىكتەمە بەردى. كوپ ۇزاماي قما بلوگەردى زاڭسىز قۇمار ويىن ارەكەتىنە كومەكتەستى دەپ كۇدىكتەنەتىنىن مالىمدەدى.
5 جىل بويى كۇدىكتى Instagram-دا "qais_arr" (2،4 ملن جازىلۋشى) اتاۋىمەن بەلسەندى بلوگەرلىك قىزمەت جۇرگىزگەن، سونداي-اق Telegram-دا "قورا ەنتەرتەينمەنت" جابىق ارناسىن (368 مىڭ جازىلۋشى) باسقارعان. 13 ساۋىردە ونىڭ ۆەتنامدا ۇستالعانى بەلگىلى بولدى. مامىر ايىندا ول ۇزاق ۋاقىتتان كەيىن العاش رەت جازىلۋشىلارمەن بايلانىسقا شىعىپ، ۆەتنامدا ۇستالعانىن ايتتى. 6 تامىزدا باس پروكۋراتۋرا زاڭسىز قۇمار ويىن بيزنەسىن ۇيىمداستىرۋعا كومەكتەستى دەپ كۇدىكتەلگەن بلوگەر قايسار قامزانىڭ ۆەتنامنان ەكستراديسيالانعانىن حابارلادى.