27 شىلدەدە قازاقستاندا قاتتى اپتاپ ىستىق، نايزاعايلى جاڭبىر، بۇرشاق، قاتتى جەل جانە شاڭدى داۋىلعا بايلانىستى داۋىلدى ەسكەرتۋ جاريالاندى، دەپ حابارلايدى infohub.kz.
قازگيدرومەتتىڭ مالىمەتىنشە، ءقاۋىپتى اۋا رايى قۇبىلىستارى الماتى، شىمكەنت جانە ەلىمىزدىڭ بارلىق 17 وبلىسىندا كۇتىلەدى. ەڭ جوعارى تەمپەراتۋرا قىزىلوردا جانە تۇركىستان وبلىستارىندا بولجانادى: اۋا +40…+42 گرادۋسقا دەيىن جىليدى، سونىمەن قاتار توتەنشە ءورت ءقاۋپى ساقتالادى.
قاتتى ىستىق (+35…+38 گرادۋس) ۇلىتاۋ، اقمولا، قوستاناي جانە الماتى وبلىستارىندا دا كۇتىلەدى. ءبىرقاتار وڭىرلەردە تۇراقسىز اۋا رايى بولجانادى: قاراعاندى، شىعىس قازاقستان، پاۆلودار، اباي وبلىستارىندا، سونداي-اق الماتى، جامبىل جانە جەتىسۋ وبلىستارىنىڭ تاۋلى اۋداندارىندا جاڭبىر، نايزاعاي، بۇرشاق جانە ەكپىندى جەل بولۋى مۇمكىن.
باتىس قازاقستان، قىزىلوردا، تۇركىستان جانە اقتوبە وبلىستارىندا كەي جەرلەردە شاڭدى داۋىل كۇتىلەدى. كوپتەگەن وڭىرلەردە جەلدىڭ ەكپىنى 15–23 م/س-قا دەيىن جەتەدى، ال تۇركىستان وبلىسىنىڭ كەيبىر تاۋ اسۋلارىندا 25 م/س-قا دەيىن كۇشەيەدى. الماتىدا توتەنشە ءورت ءقاۋپى ساقتالىپ، ىلە الاتاۋى تاۋلارىندا كۇندىز قىسقا مەرزىمدى جاڭبىر مەن نايزاعاي بولۋى ىقتيمال، جەل 15–20 م/س-قا دەيىن كۇشەيەدى.
شىمكەنتتە سولتۇستىك-شىعىس جەلدىڭ ەكپىنى 15–20 م/س-قا جەتەدى. اقتاۋ، جەزقازعان، قونايەۆ، ورال، تاراز، سەمەي جانە پاۆلوداردا دا جەلدىڭ كۇشەيۋى كۇتىلەدى، كەي جەرلەردە جاڭبىر مەن نايزاعاي بولۋى مۇمكىن.