قازاقستاننىڭ ەرلەر باسكەتبول قۇراماسى ازيا كۋبوگى-2029 ىرىكتەۋ ءتۋرنيرىن سەنىمدى جەڭىسپەن اياقتاپ، كەلەسى كەزەڭگە جولداما الدى، دەپ حابارلايدى infohub.kz.
ۆ توبىنىڭ سوڭعى ويىندارى الماتىدا ءوتتى. شەشۋشى كەزدەسۋدە الەكساندر لىسياك شاكىرتتەرى شري-لانكا قۇراماسىمەن كەزدەسىپ، 87:58 ەسەبىمەن ءىرى جەڭىسكە جەتتى. الاڭ يەلەرى العاشقى شيرەكتەردە تاماشا ويىن كورسەتىپ، قولايلى باسىمدىققا يە بولدى، الايدا سوڭعى ەكى كەزەڭدە قارسىلاستارىنان ۇتىلىپ قالدى.
ماچتىڭ ەڭ ناتيجەلى ويىنشىسى شري-لانكا قۇراماسىنىڭ ورتالىق ويىنشىسى كاندە داسۋن نيلانتا مەنديس اتاندى — ول 19 ۇپاي جينادى. قازاقستاندىقتار اراسىندا ۇزدىك ناتيجەنى قورعاۋشى شايم كۋانوۆ كورسەتىپ، 15 ۇپايمەن ەسەپ جازدى.
قاتار وتكەن ويىندا قىرعىزستان قۇراماسى مالديۆ كومانداسىن 95:37 ەسەبىمەن تاس-تالقان ەتتى. تۋرنير قورىتىندىسى بويىنشا توپتا ءبىرىنشى ورىندى 8 ۇپاي جيناعان پالەستينا قۇراماسى يەلەندى. ەكىنشى ورىندا قازاقستاندىقتار (7 ۇپاي)، ءۇشىنشى ورىندا شري-لانكا وكىلدەرى (6 ۇپاي) تۇراقتادى. وسى ءۇش كوماندا ەكىنشى ىرىكتەۋ كەزەڭىنە جولداما الدى.
قىرعىزستان (5 ۇپاي) جانە مالديۆ (4 ۇپاي) باسكەتبولشىلارى ىرىكتەۋدەگى ونەرلەرىن اياقتادى.