«قازاقستان – جۇڭگو» ينۆەستيسيالىق فورۋمىنىڭ قورىتىندىسى بويىنشا تاراپتار 50 كوممەرسيالىق كەلىسىمگە قول قويدى. قۇجاتتاردىڭ جالپى سوماسى 8،2 ملرد دوللارعا باعالانىپ وتىر، دەپ حابارلايدى infohub.kz سايتى.
بۇعان دەيىن قازاقستان پرەزيدەنتى قاسىم-جومارت توقايەۆ ءبىرقاتار قىتايلىق كومپانيا باسشىلارىمەن كەزدەستى: Hong Kong Sino-Science Oil and Gas (ين سايۆان)، VNET Group (چەن شەن)، Shanghai Junhe Atomic Technology (تيان سزياشۋ) جانە Silk Road Finance Corporation (لي شان). كەلىسسوزدەر بارىسىندا ەنەرگەتيكا، سيفرلاندىرۋ جانە قارجى سالاسىنداعى بىرلەسكەن جوبالاردىڭ پەرسپەكتيۆالارى تالقىلاندى. ىقتيمال باعىتتاردىڭ قاتارىندا قازاقستاندا شاعىن مودۋلدىك يادرولىق رەاكتورلار ءوندىرۋ قاراستىرىلۋدا.
سونىمەن قاتار مەملەكەت باسشىسى UBTECH Robotics Corp كومپانياسىنىڭ اعا پرەزيدەنتى چجۋن يۋنمەن كەزدەستى. پرەزيدەنت كومپانيانىڭ الماتىدا ءبىلىم بەرۋ جانە سەرۆيستىك روبوتوتەحنيكا شىعاراتىن زاۋىت اشۋ جوسپارلارىن قۇپتادى. ونىڭ ايتۋىنشا، بۇل UBTECHء-تىڭ قىتايدان تىس جەردەگى العاشقى ءوندىرىس الاڭى بولادى. تاراپتار سونداي-اق قازاقستاندىق جوعارى وقۋ ورىندارىمەن جانە كوللەدجدەرمەن ىنتىماقتاستىقتى جانە بىرلەسكەن قۇزىرەت ورتالىعىن قۇرۋدى تالقىلادى.
سونداي-اق اباي وبلىسىندا جالپى قۇنى 1،6 ملرد دوللار بولاتىن ەكى ءىرى زاۋىتتى قىتايلىق ينۆەستورلار سالاتىنى بەلگىلى بولدى.
ال «سامۇرىق-ەنەرگو» («سامۇرىق-قازىنانىڭ» ەنشىلەس قۇرىلىمى) China Energy Overseas Investment Co.، Ltd. جانە SANY Renewable Energy Co.، Ltd. كومپانيالارىمەن قۋاتى ءارقايسىسى 500 مۆت بولاتىن ەكى جەل ەلەكتر ستانسياسىن (جەس) سالۋ تۋرالى ۋاعدالاستىققا قول جەتكىزدى.