قازاقستان سىرتقى ىستەر مينيسترلىگى نەپالداعى سۋ تاسقىنى كەزىندە حابارسىز كەتكەن تاعى ءبىر قازاقستاندىق ازاماتشانى ىزدەۋ جالعاسىپ جاتقانىن حابارلادى، دەپ حابارلايدى infohub.kz سايتى.
ۆەدومستۆونىڭ ءباسپاسوز قىزمەتىنەن NUR.KZ تىلشىسىنە حابارلاعانداي، قازىرگى ۋاقىتتا نەپال مەن جۇڭگو شەكاراسىنداعى تابيعي اپات ايماعىندا بولۋى مۇمكىن ەكى قازاقستاندىق ازاماتشا ىزدەستىرىلۋدە. «بۇعان دەيىن حابارلانعانداي، ولاردىڭ ءبىرى تۋريستىك توپ قۇرامىندا ەكى ەل اراسىنداعى شەكارادان وتكەن. ق ر ءسىم جەرگىلىكتى مەملەكەتتىك ورگاندارمەن جۇمىس ىستەپ، وتانداستارىمىزدىڭ تۋىستارىمەن بايلانىستا»، — دەلىنگەن حابارلامادا.
ەسكە سالايىق، بۇعان دەيىن جۇڭگو مەن نەپال اراسىنداعى شەكارا وتكەلى اۋدانىندا جەر كوشكىنى ءجۇرىپ، بۇل جول قوزعالىسىنا، بايلانىس پەن ەلەكترمەن جابدىقتاۋعا اسەر ەتكەنى بەلگىلى بولعان. كەيىن كۇشتى سۋ تاسقىنى سالدارىنان مىڭداعان ادام حابارسىز كەتكەنى حابارلاندى. ءىرى تاسقىننىڭ سەبەبى جەر سىلكىنىسى جانە ودان كەيىنگى جەر كوشكىنى دەپ اتالدى.
وسىدان كەيىن قازاقستان ءسىم ەل ازاماتتارى تۋرالى العاشقى دەرەكتەردى جاريالادى. 27 تامىزدا قىتايدان نەپالعا تۋريستىك توپ قۇرامىندا وتكەن قازاقستاندىق ءتۋريستى ىزدەۋ باستالعانى بەلگىلى بولدى.