اقتوبەدە رەسەيلىك ەكى بۋىندى «ۆيتياز» باتپاقتى-قارلى كولىكتەرىن شىعارۋ جوسپارلانۋدا، دەپ حابارلايدى ربك.
ءتيىستى رامالىق كەلىسىمگە قازاقستان مەن باشقۇرتستان وكىلدەرى ومبىداعى ەكى ەلدىڭ ءوڭىرارالىق ىنتىماقتاستىق فورۋمىندا قول قويدى. جوبا بىرنەشە كەزەڭمەن جۇزەگە اسىرىلادى: الدىمەن باشقۇرتستاننان جەتكىزىلەتىن ماشينا جيىنتىقتارىنان قۇراستىرۋ، كەيىن ءىرى توراپتى جانە ۇساق توراپتى قۇراستىرۋعا كوشۋ. كاسىپورىن اقتوبەنىڭ شاعىن ونەركاسىپتىك ايماعىنا ورنالاستىرىلادى، ال نەگىزگى جەرگىلىكتەندىرۋ كەزەڭدەرىن 2030 جىلعا دەيىن اياقتاۋ جوسپارلانۋدا.
كەيىن قازاقستاندا باتپاقتى-قارلى كولىكتەرگە كەپىلدىك جانە كەپىلدىكتەن كەيىنگى قىزمەت كورسەتۋ، سونداي-اق ولاردى ازيا، افريكا جانە تاياۋ شىعىس نارىقتارىندا بىرلەسىپ ىلگەرىلەتۋ ۇيىمداستىرىلۋى مۇمكىن. جوبانى ىسكە اسىرۋ ءۇشىن جەرگىلىكتەندىرۋ، ءوندىرىس كولەمى جانە ەكسپورت جوسپارلارىنىڭ ورىندالۋىن باقىلايتىن بىرلەسكەن ۇيلەستىرۋ كوميتەتى قۇرىلادى.
باتپاقتى-قارلى كولىكتەر شىعارۋ جوباسىنان بولەك، فورۋمدا مەديسينالىق تەحنيكا مەن اۆتوكومپونەنتتەر وندىرىسىندەگى ىنتىماقتاستىق تالقىلاندى. باشقۇرتستان بيلىگى «ۆيتياز» كولىكتەرىن قازاقستانعا جەتكىزۋ نيەتى تۋرالى شىلدەنىڭ باسىندا مالىمدەگەن ەدى. سول كەزدە يشيمباي ءوندىرىسىنىڭ تەحنيكاسى العاش رەت قازاقستاندىق نارىققا شىعاتىنى ايتىلعان. بۇعان دەيىن «كۋرسيۆ اۆتو» ۆلاديمير ءپۋتيننىڭ استاناعا ساپارى كەزىندە قازاقستاندىق برونەتەحنيكانىڭ كۇزەتكەنى تۋرالى حابارلاعان بولاتىن.