قازاقستاندا كولىك قۇرالى كونسترۋكسياسىنىڭ قاۋىپسىزدىگى تۋرالى كۋالىك (سبكتس) الۋ ءۇشىن اۆتوموبيلدەرگە سىناق جۇرگىزەتىن زەرتحانالاردى تەكسەرۋ ءتاسىلى وزگەرىپ جاتىر. ەندى قۇرال-جابدىقتىڭ بولۋى تەك قۇجاتتارمەن عانا ەمەس، فوتو جانە بەينەتۇسىرىلىممەن دە راستالادى، دەپ حابارلايدى infohub.kz سايتى.
ق ر سيم كترم ۇلتتىق اككرەديتتەۋ ورتالىعى سىناق زەرتحانالارىن باعالاۋدىڭ جاڭا تەتىگىن ەنگىزدى. ساراپشىلار ءاربىر جابدىق بىرلىگىن – زاۋىتتىق ءنومىرىن، جاي-كۇيىن، ولشەۋ دياپازونىن جانە جۇمىس پروسەسىن تىركەيدى.
سونىمەن قاتار، باقىلاۋ سىناقتارى بەينەگە جازىلادى. بۇل جابدىقتىڭ بولۋىن، جۇمىستاردىڭ ءوز بەتىنشە جۇرگىزىلۋىن جانە قاجەتتى پەرسونالدىڭ بولۋىن راستاۋعا مۇمكىندىك بەرەدى.
وسىلايشا، تەك فورمالدى اككرەديتتەۋ جەتكىلىكسىز بولادى. تەكسەرۋشىلەر جابدىقتىڭ تىكەلەي زەرتحانادا ورنالاسقانىن جانە ماقساتى بويىنشا قولدانىلاتىنىن كورە الادى.
ۆەدومستۆونىڭ مالىمەتىنشە، جاڭا تەتىك ارقىلى 55 زەرتحانا باعالانعان.
سونىمەن قاتار، ۇاو سبكتس بەرۋگە بايلانىستى زەرتحانالاردا جابدىقتى سايكەستەندىرۋدى ەنگىزۋدە. ارنايى تاڭبالاۋ ونى باعالاۋ كەزىندە تەكسەرۋگە مۇمكىندىك بەرەدى.
18 تامىزداعى جاعداي بويىنشا مۇنداي سايكەستەندىرۋدەن 40 اككرەديتتەۋ سۋبەكتىسى وتكەن.
كولىك سىناق زەرتحانالارى ءۇشىن دە تالاپ بەلگىلەندى: قاجەتتى جابدىقتىڭ كەمىندە 95% كومپانيانىڭ مەنشىگىندە بولۋى ءتيىس. بۇل جابدىقتى تەك تەكسەرۋ كەزىندە ۋاقىتشا اكەلەتىن جاعدايلاردى بولدىرماۋعا مۇمكىندىك بەرەدى.
ءقازىر فوتو جانە بەينەتىركەۋ پيلوتتىق رەجيمدە قولدانىلۋدا. كەلەسى كەزەڭ – جاڭا ءتارتىپتى زاڭنامالىق تۇرعىدان بەكىتۋ، سودان كەيىن ءتۇسىرىلىم اككرەديتتەۋدىڭ مىندەتتى راسىمىنە ەنەدى.