قازاقستاندىق eGov پورتالىنداعى جەكە كابينەتىنە كىرۋگە تىرىسىپ، باسقا پايدالانۋشىنىڭ اككاۋنتىنا ءتۇسىپ قالعانىن انىقتادى. بۇل وقيعا سونشالىقتى كۇتپەگەن بولعاندىقتان، جىگىت بولعان جاعدايدى الەۋمەتتىك جەلىدە بولىسكەن. بۇل جۇيە وپەراتورى — «ۇلتتىق اقپاراتتىق تەحنولوگيالار» اق (ۇات) نازارىن اۋدارىپ، تەكسەرۋ باستالدى، دەپ حابارلايدى infohub.kz سايتى.
شەرحان قايرات ۇلى ەسىمدى پايدالانۋشى Threads-تە ماسەلەنى كورسەتەتىن ۆيدەو جاريالادى. ونىڭ ايتۋىنشا، اۆتوريزاسيادان كەيىن ءوز ءپروفيلىنىڭ ورنىنا مۇلدەم باسقا ادامنىڭ دەرەكتەرىن كورگەن. «مەن ءوز اككاۋنتىما كىرۋگە تىرىسقاندا، eGov-دا بوتەن اككاۋنتقا كىرىپ كەتتىم. بۇل قالاي مۇمكىن؟» — دەپ جازدى اۆتور.
«ۇلتتىق اقپاراتتىق تەحنولوگيالار» اق وقيعاعا جەدەل جاۋاپ بەرىپ، ماماندار جاعدايدى ەگجەي-تەگجەيلى تالداۋعا كىرىسكەنىن مالىمدەدى. كومپانيادا سيپاتتالعان اۆتوريزاسيا سەناريىنە تەحنيكالىق تەكسەرۋ جۇرگىزىلىپ جاتقانىن، سونداي-اق جان-جاقتى قاراۋ ءۇشىن اۆتوردان قوسىمشا ماتەريالدار سۇرالعانىن اتاپ ءوتتى.
«قازىرگى ۋاقىتتا "ۇلتتىق اقپاراتتىق تەحنولوگيالار" اق ماماندارى سيپاتتالعان جاعدايعا، ونىڭ ىشىندە پايدالانۋشى كورسەتكەن اۆتوريزاسيا سەناريىن تالداۋعا قاتىستى ەگجەي-تەگجەيلى تەحنيكالىق تەكسەرۋ جۇرگىزۋدە. جاعدايدى جان-جاقتى قاراۋ ءۇشىن جاريالانىم اۆتورىنان قوسىمشا ماتەريالدار سۇرالدى»، — دەپ كومپانيا "كۋرسيۆ" سۇراۋىنا جاۋاپ بەردى.
بۇل جاعدايدىڭ جەكە تەحنيكالىق اقاۋ ما، الدە ماسەلە باسقا پايدالانۋشىلارعا دا اسەر ەتكەن بە، ازىرگە بەلگىسىز. ىقتيمال اقاۋلىقتىڭ سەبەپتەرى نەمەسە بوتەن اككاۋنتقا رۇقساتسىز كىرۋ فاكتىسى تۋرالى رەسمي دەرەكتەر جوق. ۇات تەكسەرۋ اياقتالعاننان كەيىن قوسىمشا اقپارات بەرەتىنىن ۋادە ەتتى.
ايتا كەتەيىك، قازاقستان بۇۇ ەلەكتروندىق ۇكىمەت رەيتينگىندە 24-ورىندا تۇر. بۇگىندە مەملەكەتتىك قىزمەتتەردىڭ 90،4%-ى ونلاين قولجەتىمدى، ال ولاردىڭ 96%-عا جۋىعىن سمارتفون ارقىلى الۋعا بولادى. وتكەن جىلدىڭ باسىنان بەرى ازاماتتارعا 51،5 ميلليوننان استام سيفرلىق مەملەكەتتىك قىزمەت كورسەتىلدى، ال eGov AI ينتەللەكتۋالدى كەڭەسشىسى 2 ميلليوننان استام سۇرانىستى وڭدەدى.