ەكۆادوردىڭ گۋاياكيل قالاسىندا كادەتتەر اراسىندا دزيۋدودان الەم چەمپيوناتى باستالدى، وعان قازاقستان قۇراماسى قاتىسۋدا، دەپ حابارلايدى infohub.kz سايتى.
العاشقى جارىس كۇنى-اق قازاقستاندىق سپورتشىلار بەس مەدال جەڭىپ الدى: ءبىر التىن، ەكى كۇمىس جانە ەكى قولا.
60 كەلىگە دەيىنگى سالماق دارەجەسىندە عابيت راسۋلحان الەم چەمپيونى اتاندى. فينالدىق بەلدەسۋدە ول كانادالىق رومان سەميروزۋمدى جەڭىپ، قۇراماعا ءتۋرنيردىڭ تۇڭعىش التىن مەدالىن اكەلدى.
كۇمىس جۇلدەنى ءادىلجان نۇربەكەن (50 كەلىگە دەيىن) جانە اديا جاناحمەت (40 كەلىگە دەيىن) يەلەندى.
قولا جۇلدەنى بەكارىس قۇدايبەرگەن (50 كەلىگە دەيىن) جانە احمەت باۋبەك (60 كەلىگە دەيىن) جەڭىپ الدى.
وسىلايشا، جارىستىڭ العاشقى كۇنىنىڭ قورىتىندىسى بويىنشا قازاقستان قۇراماسىنىڭ ەنشىسىندە بەس مەدال: ءبىر التىن، ەكى كۇمىس جانە ەكى قولا.