قازاقستاندىق تەننيسشى تيموفەي سكاتوۆ 2026 جىلعى اقش اشىق چەمپيوناتىندا ىرىكتەۋ كەزەڭىنىڭ جارتىلاي فينالىندا بولگاريالىق گريگور ديميتروۆتان جەڭىلىپ، جارىستى اياقتادى، دەپ حابارلايدى infohub.kz.
الەمدىك رەيتينگتە 205-ورىندا تۇرعان سكاتوۆ مانسابىنىڭ شىڭىندا الەمنىڭ ءۇشىنشى راكەتكاسى بولعان، ءقازىر 137-ساتىداعى ديميتروۆپەن كەزدەستى. ماچ ەكى سەتكە سوزىلىپ، ءبىرىنشىسى تاي-برەيكتە اياقتالدى. ديميتروۆ 7:6 (7:5)، 6:4 ەسەبىمەن جەڭىسكە جەتتى.
تەننيسشىلەر كورتتا 2 ساعات 1 مينۋت وتكىزدى. وسى ۋاقىت ىشىندە سكاتوۆ ءتورت ەيس جاساپ، سونشا قوس قاتەلىك جىبەرىپ، جالعىز برەيك-پوينتتى پايدالانا المادى.
ديميتروۆ ىرىكتەۋدىڭ فينالىنا شىعىپ، US Open نەگىزگى تورىنا جولدامانى فينليانديالىق وتتو ۆيرتانەنمەن ساراپقا سالادى. ماۋسىمداعى سوڭعى ۇلكەن دۋلىعا ءتۋرنيرى نيۋ-يوركتەگى حارد كورتتارىندا وتەدى.
وسىلايشا، قازاقستاندىقتاردان US Open جەكە سىندا تەك الەكساندر بۋبليك پەن الەكساندر شەۆچەنكو عانا ونەر كورسەتەدى.