US Open-2026 نەگىزگى جارىسى باستالار الدىندا قازاقستاندىق تەننيسشىلەر ەلەنا رىباكينا، الەكساندر بۋبليك، يۋليا پۋتينسەۆا جانە الەكساندر شەۆچەنكو الەمدىك رەيتينگتەگى پوزيسيالارىن ءبىلدى، دەپ حابارلايدى infohub.kz سايتى.
ايەلدەر تەننيس قاۋىمداستىعى (WTA) مەن كاسىبي تەننيسشىلەر قاۋىمداستىعى (ATP) رەيتينگتىڭ جاڭارتىلعان نۇسقالارىن ۇسىندى. قازاقستاننىڭ ايەلدەر اراسىنداعى ءبىرىنشى راكەتكاسى ەلەنا رىباكينا WTA رەيتينگىندە ەكىنشى ورىندى ساقتاپ قالدى، ونىڭ ەنشىسىندە 8141 ۇپاي بار. كوشباسشى بولىپ 8575 ۇپاي جيناعان بەلارۋستىك ارينا سوبولەنكو قالىپ وتىر.
يۋليا پۋتينسەۆا الەمدىك رەيتينگتە 80ء-شى ورىننان 84ء-شى ورىنعا ءتۇستى. قازاقستاندىق تەننيسشىنىڭ 904 رەيتينگتىك ۇپايى بار.
ەرلەر رەيتينگىندە قازاقستاننىڭ ۇزدىك وكىلى الەكساندر بۋبليك بولىپ قالۋدا. US Open الدىندا ول 2525 ۇپايمەن 16-شى ورىندا تۇر. الەكساندر شەۆچەنكو 655 ۇپايمەن 98ء-شى پوزيسيادا.
US Open-2026 نەگىزگى جارىسى 30 تامىزدا نيۋ-يوركتە باستالادى. رىباكينا تۋرنيردە ەكىنشى، ال بۋبليك 15ء-شى ءنومىرلى جەرەبەگە يە بولدى.