اسا ءىرى كولەمدە الاياقتىق جاسادى دەپ كۇدىكتەلگەن قازاقستان ازاماتى گرۋزيادان وتانىنا ەكستراديسيالاندى، دەپ حابارلايدى infohub.kz.
باس پروكۋراتۋرانىڭ رەسمي Telegram-ارناسىندا حابارلانعانداي، بۇگىن ۆەدومستۆو قىزمەتكەرلەرى مەن ق ر ءىىم ينتەرپولىنىڭ قىزمەتكەرلەرى گرۋزيادان اسا ءىرى كولەمدە الاياقتىق جاسادى دەپ كۇدىكتەلگەن قازاقستان ازاماتىن جەتكىزدى.
تەرگەۋ دەرەكتەرى بويىنشا، ول 2021 جىلعى قاڭتار مەن 2022 جىلعى اقپان ارالىعىندا اتىراۋدا كيپردەن پاتەر ساتىپ الۋعا كومەكتەسەمىن دەگەن سىلتاۋمەن اقشا اۋدارىمدارىن الىپ، قازاقستان ازاماتشاسىنىڭ 100 ملن تەڭگەدەن استام قاراجاتىن جىمقىرعان.
قىلمىس جاساعاننان كەيىن كۇدىكتى جاسىرىنىپ، حالىقارالىق ىزدەۋ جاريالانعان. 2026 جىلعى ماۋسىمدا ول گرۋزيا اۋماعىندا ۇستالىپ، قازاقستان باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى. ايىپتالۋشى قىلمىس ءۇشىن م ۇلىكتى تاركىلەۋ جانە بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ون جىلعا دەيىن ايىرۋمەن 10 جىلعا دەيىن باس بوستاندىعىنان ايىرۋ جازاسى قاراستىرىلعان.