قازاقستان قاشاعانداعى ەڭ ءىرى مۇناي كەن ورنىن يگەرىپ جاتقان North Caspian Operating Company (NCOC) حالىقارالىق كونسورسيۋمىنىڭ مۇلكى مەن كولىكتەرىنە تىيىم سالدى، دەپ حابارلايدى infohub.kz.
قازاقستان ادىلەت مينيسترلىگىنىڭ اتقارۋشى ءوندىرىس ورگاندارىنىڭ اۆتوماتتاندىرىلعان اقپاراتتىق جۇيەسىنىڭ دەرەكتەرىنە سايكەس، اتقارۋشىلىق ءىس جۇرگىزۋ 21 شىلدەدەن باستاپ ورىندالۋدا. قۇجاتتا قانداي اكتيۆتەر مەن كولىك قۇرالدارىنا تىيىم سالىنعانى ناقتىلانباعان.
قۇرامىنا Shell، Eni، TotalEnergies جانە Exxon Mobil كىرەتىن NCOC كونسورسيۋمى Reuters اگەنتتىگىنىڭ سۇراۋىنا جاۋاپ بەرمەدى.
قازاقستان مەن قاشاعان وپەراتورى اراسىنداعى جانجال 2023 جىلدان بەرى جالعاسىپ كەلەدى. سوندا رەسپۋبليكا ۇكىمەتى NCOC-تان نورمادان تىس كۇكىرت قورىن ساقتاعانى ءۇشىن 2،3 ترلن تەڭگە تولەۋدى تالاپ ەتتى.
كونسورسيۋم قويىلعان تالاپتاردى مويىنداۋدان باس تارتتى، سودان كەيىن داۋ حالىقارالىق تورەلىككە بەرىلدى.
شىلدەدە قازاقستان بيلىگى ەكولوگيالىق ايىپپۇلدى ءوندىرىپ الۋدى جالعاستىراتىنىن مالىمدەدى. ءوز كەزەگىندە NCOC تاراپتاردىڭ ودان ءارى ارەكەتتەرى تورەلىك ءىس جۇرگىزۋ اياسىندا جۇزەگە اسىرىلۋى كەرەكتىگىن اتاپ ءوتتى.