قازاقستاندا ويىن مەكەمەلەرىن ورنالاستىرۋعا رۇقسات ەتىلگەن ايماقتار رەسمي تۇردە ايقىندالدى، دەپ حابارلايدى infohub.kz.
ۇكىمەت قاۋلىسىنا سايكەس، كازينو، ويىن اۆتوماتتارى زالدارى، بۋكمەكەرلىك كەڭسەلەر مەن توتاليزاتورلار الماتى وبلىسىنداعى قاپشاعاي سۋ قويماسىنىڭ جاعالاۋىندا، سونداي-اق اقمولا وبلىسىنىڭ بۋراباي اۋدانىندا ورنالاسۋى مۇمكىن.
بۇدان باسقا، كازينو مەن ويىن اۆتوماتتارى زالدارى تەك شەتەل ازاماتتارىنا، ازاماتتىعى جوق ادامدارعا، ويىن مەكەمەلەرىنىڭ قىزمەتكەرلەرىنە، سونداي-اق ەڭبەك نەمەسە قىزمەتتىك مىندەتتەرىن اتقارۋعا بايلانىستى وندا جۇرگەن ادامدارعا عانا قولجەتىمدى بولاتىن اۋماقتار تىزبەسى بەكىتىلدى. بۇل تىزىمگە الماتى وبلىسىنىڭ تالعار جانە ۇيعىر اۋداندارى، ماڭعىستاۋ وبلىسىنداعى كاسپي تەڭىزىنىڭ جاعالاۋى، جەتىسۋ وبلىسىنىڭ الاكول كولىنىڭ جاعالاۋى مەن پانفيلوۆ اۋدانى، شىعىس قازاقستان وبلىسىنىڭ مارقاكول جانە زايسان اۋداندارى، باتىس قازاقستان وبلىسىنىڭ بايتەرەك اۋدانى، سونداي-اق اباي وبلىسىنداعى الاكول كولىنىڭ جاعالاۋى ەندى.
قاۋلى 2026 جىلعى 11 قىركۇيەكتەن باستاپ كۇشىنە ەنەدى.
ەسكە سالايىق، بۇعان دەيىن قازاقستان پرەزيدەنتى قاسىم-جومارت توقايەۆ تۋريزم جانە بالالار سپورتى ماسەلەلەرى بويىنشا زاڭناماعا تۇزەتۋلەرگە قول قويعان بولاتىن، ولار ويىن بيزنەسى تۋرالى زاڭعا دا وزگەرىستەر ەنگىزەدى.