قازاقستاندا بىرنەشە جىل قاتارىنان وسكەن جەكە كاسىپكەرلەر سانى ايتارلىقتاي ازايدى، دەپ حابارلايدى infohub.kz سايتى.
EnergyProm مونيتورينگ اگەنتتىگىنىڭ دەرەگىنشە، 2026 جىلعى 1 تامىزدا ەلدە 1،6 ميلليونعا جۋىق بەلسەندى جك تىركەلگەن، ال ءبىر جىل بۇرىن ولاردىڭ سانى 1،8 ميلليونعا جۋىق بولعان. وسىلايشا، ءبىر جىل ىشىندە كورسەتكىش 10،5%-عا تومەندەگەن. تىركەلگەن جك سانى 11،4%-عا ازايعان.
الايدا مۇنداي قىسقارۋ ستاتيستيكادان شىعىپ قالعان بارلىق جك قىزمەتىن توقتاتتى دەگەندى بىلدىرمەيدى. 2026 جىلعى 1 قاڭتاردان باستاپ ەلدە ءوزىن-وزى جۇمىسپەن قامتىعاندارعا ارنالعان ارنايى سالىق رەجيمى ىسكە قوسىلدى، ول بەلگىلى ءبىر جاعدايلاردا جك رەتىندە تىركەلمەي جۇمىس ىستەۋگە مۇمكىندىك بەرەدى. سوندىقتان كاسىپكەرلەردىڭ ءبىر بولىگى جك ستاتيستيكاسىنان جوعالىپ، باسقا مارتەبەدە جۇمىسىن جالعاستىرۋى مۇمكىن. ق ر اسپير ۇلتتىق ستاتيستيكا بيۋروسى جك سانىنىڭ قىسقارۋىن جاڭا رەجيمگە كوشۋمەن تىكەلەي بايلانىستىرادى.
جاڭا رەجيم تەز ارادا جاپپاي قولدانىسقا يە بولدى. جىل باسىنان بەرى ءوزىن-وزى جۇمىسپەن قامتىعاندارعا ارنالعان ارنايى سالىق رەجيمى بويىنشا 689 مىڭ ادام تىركەلدى، ولاردىڭ 87%-ى سيفرلىق پلاتفورمالار ارقىلى جۇمىس ىستەگەن. سونىمەن قاتار، 84 مىڭ ءوزىن-وزى جۇمىسپەن قامتىعان بۇرىن جك بولعان، ال 546 مىڭى بۇعان دەيىن كاسىپكەر رەتىندە ەشقانداي ەسەپتە تۇرماعان.
ءبىر جىل ىشىندە كولىك جانە قويما سالاسىنداعى جك سانى ايتارلىقتاي ازايدى: 159 مىڭنان 91 مىڭعا دەيىن. مۇنداي ديناميكا جۇمىسشىلاردىڭ ءبىر بولىگىنىڭ ءوزىن-وزى جۇمىسپەن قامتىعاندار ساناتىنا وتۋىنە بايلانىستى بولۋى مۇمكىن: تاكسي جانە كۋرەرلىك قىزمەت جاڭا ارنايى سالىق رەجيمىندە قولجەتىمدى. دەگەنمەن، ستاتيستيكادان جوعالعان بارلىق كولىك جك جاڭا رەجيمگە ءوتتى دەپ ايتۋعا بولمايدى.
تاعى 53 مىڭعا باسقا قىزمەتتەر سالاسىنداعى بەلسەندى جك سانى ازايدى. بۇل توپقا، اتاپ ايتقاندا، شاشتارازدار مەن سۇلۋلىق سالوندارى، كىر جۋاتىن ورىندار، حيميالىق تازالاۋ جانە تۇرمىستىق قىزمەت كورسەتەتىن باسقا دا كاسىپكەرلەر كىرەدى، ولاردىڭ ءبىر بولىگىنە ءوزىن-وزى جۇمىسپەن قامتىعاندار رەجيمى دە قولجەتىمدى.