قازاقستاندىق ەركىن كۇرەس شەبەرى بەكاسىل اسامبەك براتيسلاۆادا وتكەن جاستار اراسىنداعى الەم چەمپيوناتىندا (U20) كۇمىس مەدال جەڭىپ الدى، دەپ حابارلايدى infohub.kz.
18 جاستاعى سپورتشى 61 كەلىگە دەيىنگى سالماق دارەجەسىندە ونەر كورسەتتى. فينالعا دەيىنگى جولدا ول ءتورت رەت جەڭىسكە جەتتى.
شەشۋشى بەلدەسۋدە اسامبەك امەريكالىق اارون دجەيمس سەيدەلمەن كەزدەستى. اقش وكىلى 7:0 ەسەبىمەن باسىم ءتۇستى.
وسىلايشا، قازاقستاندىق ءتۋرنيردىڭ كۇمىس جۇلدەگەرى اتاندى. بۇكىل ۇلتتىق قۇراما ءۇشىن بۇل — براتيسلاۆاداعى ەكىنشى مەدال. بۇعان دەيىن گرەك-ريم كۇرەسىنەن قازىبەك قالماعامبەتوۆ (67 كەلىگە دەيىن) چەمپيون اتانعان بولاتىن.
جۇما كۇنى تاعى ەكى قازاقستاندىق مىنبەدەن ءبىر قادام قالدى. اسحاب حادجييەۆ (86 كەلىگە دەيىن) قوسىمشا راۋند ارقىلى قولا ءۇشىن بەلدەسۋگە جولداما الدى. وندا ول جاپوندىق ناسۋرە وكادزاۆادان 0:10 ەسەبىمەن ۇتىلدى.
ۋلدانا تىلەۋحان (68 كەلىگە دەيىن) شيرەك فينالدا جەڭىلىپ، قولاعا تالاپتانعان ەدى. مەدالدىق بەلدەسۋدە ول ۋكراينالىق الەكساندرا رىباكقا مەرزىمىنەن بۇرىن ۇتىلىپ، قارسىلاسىنا تۇشە جاساتتى.
قازاقستاننىڭ ايەلدەر قۇراماسى سلوۆاكيا استاناسىنداعى جاستار اراسىنداعى الەم چەمپيوناتىن جۇلدەسىز اياقتادى.