قازاقستاندىق گرەك-ريم كۇرەسىنىڭ بالۋانى قازىبەك قالماعامبەتوۆ سلوۆاكيادا ءوتىپ جاتقان جاستار (U20) اراسىنداعى الەم چەمپيوناتىندا 67 كەلىگە دەيىنگى سالماقتا باس جۇلدەگە تالاساتىن بولدى، دەپ حابارلايدى infohub.kz.
بۇگىن كەشكە قازاقستاندىق بالۋان التىن ءۇشىن بەلارۋستىك ميحايل ماركوۆسكيمەن كۇش سىناسادى. قالماعامبەتوۆ فينالعا دەيىنگى جولىن نەمىس سەباستيان ۆاگنەردەن باسىم تۇسۋمەن باستادى – 9:0. سودان كەيىن امەريكاندىق ەمرين برايان ناتتەردى تورەشىلەردىڭ شەشىمىمەن جەڭدى – 1:1. شيرەك فينالدا قازىبەك مىسىرلىق موحامەد حاسان احمەد موحاماد ابدەلرەحيمنەن باسىم ءتۇستى – 4:1. ال جارتىلاي فينالدا ۆەنگريا تۋى استىندا ونەر كورسەتكەن پەترو جيتوۆوزدى 7:5 ەسەبىمەن ۇتتى.
قالماعامبەتوۆتىڭ كوماندالاسى مارلان باقايەۆ (72 كەلىگە دەيىن) كەشكە جۇبانىش بەلدەسۋلەرى ارقىلى قولا جۇلدەگە تالاسادى. ءبىزدىڭ گرەك-ريم بالۋاندارى ەراسىل مۇسان (55 كەلى) مەن ماكسيم ۋكراينسيەۆ (97 كەلى) مەدالعا ىلىنە المادى.
كەشە ەركەبۇلان اناپيا (77 كەلى) قولا ءۇشىن بەلدەسۋدە يراندىق ءامىر ماحدي موحامماد ساەدي ناۆەدەن 3:5 ەسەبىمەن ۇتىلىپ قالدى.
سلوۆاكيا استاناسىندا باستالعان حالىقارالىق كۇرەس فەدەراسياسىنىڭ (UWW) قامقورلىعىمەن ءوتىپ جاتقان الەم بىرىنشىلىگىنە الەمنىڭ تۇكپىر-تۇكپىرىنەن 700-گە جۋىق جاس سپورتشى قاتىسۋدا. ولار كۇرەستىڭ ءۇش تۇرىنەن – گرەك-ريم، ەركىن جانە ايەلدەر كۇرەسىنەن 120 مەدالدى ساراپقا سالادى.
قازاقستان براتيسلاۆادا 30 سپورتشىمەن وكىلدىك ەتەدى – 20 جىگىت جانە 10 قىز.
تۋرنير 23 تامىزدا اياقتالادى.