قىتايدىڭ 16 جاستاعى تۇرعىنى ساياباقتا ءتورت ساعات بويى سيكادالاردىڭ شىرىلىن تىڭداپ، ۋاقىتشا ەستۋدەن ايىرىلدى. سەرۋەننەن كەيىنگى كۇنى جىگىت قۇلاعىندا قاتتى شۋىلمەن ويانىپ، اينالاداعى دىبىستاردى ارەڭ ەستيتىن بولعان. اناسى ونى دەرەۋ اۋرۋحاناعا جەتكىزگەن، دەپ حابارلايدى infohub.kz.
مەديسينالىق تەكسەرۋ كورسەتكەندەي، ساياباقتاعى سيكادالاردىڭ شۋى 80–90 دەسيبەلگە جەتكەن، بۇل قارقىندى اۆتوكولىك قوزعالىسىنىڭ نەمەسە ءشوپ شاباتىن ماشينانىڭ شۋىمەن سالىستىرۋعا بولادى. مۇنداي قاتتى دىبىستىڭ ۇزاق اسەرى ەستۋ جولىنداعى تۇكتى جاسۋشالاردىڭ زاقىمدالۋىنا اكەلگەن. دارىگەرلەر پاسيەنتكە "جەدەل نەيروسەنسورلىق ەستۋ قابىلەتىنىڭ تومەندەۋى" دياگنوزىن قويعان.
جاسوسپىرىمگە ستەرويدتى پرەپاراتتار مەن قان تامىرلارىن كەڭەيتەتىن دارىلەر قولدانىلاتىن تەراپيا كۋرسى تاعايىندالعان. دارىگەرلەر ۋاقىتىلى كومەككە جۇگىنۋ ەستۋ قابىلەتىن تولىق قالپىنا كەلتىرۋگە مۇمكىندىك بەرگەنىن اتاپ ءوتتى. ماماندار شۋلى جاندىكتەر كوپ جينالاتىن جەرلەردە ۇزاق بولۋ روك-كونسەرتتەرگە بارۋ سياقتى قۇلاققا ءقاۋىپتى ەكەنىن ەسكەرتەدى.