كوكشەتاۋدا جەرگىلىكتى تۇرعىن 3،4 ميلليون تەڭگە تۇراتىن زەرگەرلىك بۇيىمداردى ۇرلاۋ ءىسى بويىنشا قىلمىستىق ءىستىڭ فيگۋرانتىنا اينالدى. وقيعا ونىڭ اۋلادان زەرگەرلىك بۇيىمدارى بار سومكەنى تاۋىپ العاننان كەيىن بولدى، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ مالىمەتىنشە، ابىلاي حان داڭعىلىنداعى ءۇيدىڭ اۋلاسىنداعى ورىندىققا سومكەسىن ۇمىتىپ قالعان ايەل ارىزبەن جۇگىنگەن. ءبىراز ۋاقىتتان كەيىن قايتىپ كەلگەندە، ول زاتتارىن ورنىنان تاپپاعان.
پوليسيا قىزمەتكەرلەرى وقيعا بولعان جەرگە ورناتىلعان بەينەباقىلاۋ كامەرالارىنىڭ جازبالارىن زەرتتەدى. جازبالاردىڭ ارقاسىندا وقيعانىڭ ودان ءارى دامۋىن باقىلاپ، قالدىرىلعان سومكەنى العان ايەلدىڭ تۇلعاسىن انىقتاۋ مۇمكىن بولدى.
بەلگىلى بولعانداي، ول ءبىراز ۋاقىت يەسىنىڭ قايتۋىن كۇتكەن، ءبىراق كەيىن زاتتاردى وزىمەن بىرگە الىپ كەتۋدى شەشكەن. ۇيگە قايتار جولدا ايەل سومكەنى تاستاپ، وزىنە تەلەفوندى، ساعاتتى جانە زەرگەرلىك بۇيىمداردى قالدىرعان.
كەلەسى كۇنى ول التىن ساقينالاردىڭ ءبىرىن 150 مىڭ تەڭگەگە لومباردقا وتكىزگەن. ونىڭ ايتۋىنشا، الىنعان اقشا ازىق-ت ۇلىك پەن دارى-دارمەككە جۇمسالعان.
«ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە، تەرگەۋ ارەكەتتەرى جالعاسۋدا»، — دەپ حابارلادى وبلىستىق پوليسيا دەپارتامەنتىندە.
پوليسيا تاۋىپ العان م ۇلىكتى يەمدەنۋ دە ۇرلىق رەتىندە سارالانىپ، زاڭ بويىنشا جاۋاپكەرشىلىككە تارتىلاتىنىن ەسكە سالدى. تابىلعان زاتتاردى يەسىنە قايتارۋ نەمەسە جاقىن ماڭداعى پوليسيا بولىمىنە تاپسىرۋ قاجەت.
بۇعان دەيىن «كۋرسيۆ» جەتىسۋ تۇرعىنى جارتى ميلليون تەڭگەگە شوكولاد ۇرلاعانىن حابارلاعان.