قازاقستاندا ستۋدەنتتەردىڭ جەكەلەگەن ساناتتارى جاتاقحانادا تۇرۋ شىعىستارىنىڭ وتەماقىسىنا سەنە الادى. تولەم مولشەرى 29 اەك-كە جەتەدى، بۇل جىلىنا 100 050 تەڭگەنى قۇرايدى، دەپ حابارلايدى infohub.kz سايتى.
ق ر عىلىم جانە جوعارى ءبىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم كوميتەتى ءتوراعاسىنىڭ ورىنباسارى اقەركە ابىلايحان Jibek Joly تەلەارناسىنداعى «بۇگىن Live» باعدارلاماسىنىڭ ەفيرىندە وسى قولداۋ شاراسىن الۋ شارتتارىن ءتۇسىندىردى.
وتەماقىعا جەتىم بالالار، I جانە II توپتاعى مۇگەدەكتىگى بار ستۋدەنتتەر، سونداي-اق بالا كەزىنەن مۇگەدەكتىگى بار ستۋدەنتتەر ءوتىنىش بەرە الادى.
اقەركە ابىلايحان تولەم تەك ءبىرىنشى كۋرس ستۋدەنتتەرىنە عانا بەرىلمەيتىنىن اتاپ ءوتتى. «100 050 تەڭگە كولەمىندەگى قاراجات تەك ءبىرىنشى كۋرستا عانا ەمەس – بۇل قولداۋدى ەكىنشى جانە ءۇشىنشى كۋرستاردا دا الۋعا بولادى. مۇنداي شارا وسى ساناتتاعى ستۋدەنتتەردى قولداۋعا باعىتتالعان»، — دەدى ول.
وسىلايشا، بەلگىلەنگەن شارتتاردى ساقتاعان كەزدە اتالعان ساناتتاعى ستۋدەنتتەر وقۋدىڭ بىرنەشە جىلى ىشىندە جاتاقحانادا تۇرۋ اقىسىن وتەماقى الا الادى.
قازاقستان ۇكىمەتىنىڭ دەرەكتەرىنە سايكەس، بارلىعى 7 145 ادام تولەم الۋى ءتيىس، ونىڭ ىشىندە 4 651ء-ى — جەتىم ستۋدەنتتەر.
بۇعان دەيىن «كۋرسيۆ» قازاقستانداعى ستۋدەنتتىك جاتاقحانادا ورىندى ءبىرىنشى بولىپ كىم الاتىنىن حابارلاعان بولاتىن، ال كەشە الماتىدا جاتاقحاناسىز قالعان ستۋدەنتتەرگە ارنالعان ورتالىق اشىلدى.