اتىراۋ وبلىسىندا ءبىر وتباسىنىڭ ەكى مۇشەسى كونگو-قىرىم گەمورراگيالىق بەزگەگىنە كۇدىكپەن اۋرۋحانادا ەم الۋدا، دەپ حابارلايدى infohub.kz سايتى.
«قازينفورم» ميا مالىمەتىنشە، اتىراۋ وبلىستىق جۇقپالى اۋرۋلار اۋرۋحاناسىنا وسى دەرتكە كۇدىكپەن ءبىر وتباسىنىڭ ەكى مۇشەسى جات قىزىلعان. وبلىس اكىمدىگىنىڭ ءباسپاسوز قىزمەتىنىڭ مالىمەتىنشە، ناۋقاستاردىڭ ءبىرى — يساتاي اۋدانىنىڭ تۇرعىنى — 12 تامىزدا ءتان بەلگىلەرىمەن مەديسينالىق مەكەمەگە جەتكىزىلگەن. «كونگو-قىرىم گەمورراگيالىق بەزگەگى» دياگنوزى پوليمەرازدى تىزبەكتى رەاكسيا (پتر) ادىسىمەن راستالعان. ونىڭ جاعدايى تۇراقتى، ورتاشا اۋىرلىق دارەجەسىندە، وڭ ديناميكا بايقالادى. ەمدەۋ رەسپۋبليكالىق مامانداردىڭ باقىلاۋىمەن جۇرگىزىلۋدە.
ەكىنشى ناۋقاس تا مەديسينالىق باقىلاۋدا. ونىڭ جاعدايى تۇراقتى، وڭ ديناميكامەن. كقگب-عا پتر-تەست تەرىس ناتيجە كورسەتكەن.
بارلىق بايلانىستا بولعان ادامدار ەسەپكە الىنىپ، مەديسينالىق باقىلاۋدا. قازىرگى ۋاقىتتا ولاردا اۋرۋ بەلگىلەرى تىركەلمەگەن. ماماندار اۋىل شارۋاشىلىعى جانە ءۇي جانۋارلارىنان سىنامالار الىپ، اۋرۋ انىقتالعان اۋماقتا كەنەلەردى زەرتتەگەن. زەرتحانالىق زەرتتەۋ ناتيجەلەرى تەرىس بولىپ شىقتى.