كونگو دەموكراتيالىق رەسپۋبليكاسىندا توي مەرەكەسى اپاتقا ۇلاستى: ءورت سالدارىنان 20-دان استام ادام قازا تاپتى، دەپ حابارلايدى infohub.kz سايتى.
ريا نوۆوستي Actualite پورتالىنا سىلتەمە جاساپ حابارلاعانداي، استانا كينشاساداعى تويحانادا ءورت بولعان. اپات تۋرالى استاناداعى لينگۆالا كوممۋناسىنىڭ اكىمى نوربەر مۋشيگا نزيندۋلا مالىمدەدى.
«2026 جىلعى 5 قىركۇيەكتەگى تاڭعى دەرەكتەر بويىنشا، 22 ادام قازا تاۋىپ، كوپتەگەن زارداپ شەككەندەر اۋرۋحاناعا جات قىزىلدى»، — دەلىنگەن اكىمنىڭ مالىمدەمەسىندە.
ول ءورتتىڭ سەبەبى ازىرگە بەلگىسىز ەكەنىن اتاپ ءوتىپ، الدىن الا دەرەكتەر بويىنشا، قۇربانداردىڭ كوپ بولۋى — ءورت باستالعاننان كەيىن قوناقتاردى ەۆاكۋاسيالاۋ تەك ءبىر عانا شىعۋ ەسىگىنىڭ بولۋىنا بايلانىستى قيىنداعانىمەن تۇسىندىرىلەدى. اكىمنىڭ ايتۋىنشا، بۇل ەسىك سالىستىرمالى تۇردە تار بولىپ، جالپى ۇرەي مەن ءتۇتىننىڭ كوپتىگى جاعدايدى ۋشىقتىرعان.